Farmaajo ayaa sheegay in Beesha Habargidir ay halis ku tahay xukunkiisa. Kulanka ayaa lagu go’aamiyey qorshe labo weji leh. 

Qorshaha Koowaad: Waxaa loo xilsaaray gudi Xildhibaano iyo Wariyaal ah oo ay ka mid yihiin Xuseen Iidoow, C/shakuur Cali Mire, Cawil Daahir Salaad, C/laahi Kulmiye Xirsi, Maxamd Cajiib kuwaasoo kasoo kala jeeda Beelaha Murusade, Mareexaan iyo Abgaal. 

Gudigan ayaa ku hawlan samaynta dacaayad iyo propaganda laga sameeyo siyaasiyiinta iyo waxgarad ka Beesha Habargidir. 
Lacag ilaa $500,000 kun ayaa loo qoondeeyey dagaalka Dacaayada iyo Aflagaadada. 

Qorshaha Labaad: In la iska horkeeno Beesha Habargidir iyo Beelaha Hawiye. 

Waxaa la qorsheeyey in la kala furfuro Odayaasha Hawiye ee maalmaha shirarka joogtada ah ugu socday Muqdisho, kuwaasoo maalmo ka hor soo saaray baaq aad u xooggan oo fariin adag u diray Farmaajo iyo kooxdiisa. 

Si kastaba ha ahaatee, Xildhibaanada Hawiye intooda badan waa mucaarad, gaar ahaan kuwo Mudulood, balse waa ka badan yihiin Habargidir dhinaca mucaaradka, laakiin Kooxda Farmaajo ayaa iska dhaadhicisay in mucaaradnimada loo muujiyo wax hal qabiil wado oo Habargidir lagu soo shaabadeeyo.