Waagacusub.com Xarakadda Al-shabaab ayaa sheegtay in Xaafad kamid ah Magaaladda Muqdisho, ay lacago Zakakaad ah ugu qeybisay boqollaal ruux oo shacab fuqaro ah kuwaas oo kamid ah dadka reer Muqdisho.

 Munaasabad ballaaran oo dadka loogu qeybinayay lacagaha ayna ka qeybgaleen mas’uuliyiin sar sare oo katirsan Al-Shabaab ayaa dadka lagu gudoonsiiyay lacagaha.

Al-Shabaab ma aysan sheegin  Xaafadda lagu qabtay lacag bixinta iyo xiliga la qabtay toona.

Dadka loo qeybiyay lacagaha Zakada waxay gaarayeen in ka badan 200 oo ruux, waxayna lacaguhu kala ahaayeen saddex qeybood oo kala ah 1000$, 500$ iyo qeybta ugu yar oo ahayd 200$.

Dadka sakada qaatay waxay isugu jireen rag iyo dumar, waxaana kamid ahaa dad waayeello ah kuwaas oo qaarkood xitaa naafo ahaa.

Cali Maxmuud Raage Sheekh Cali dheere afhayeenka Al-Shabaab oo la hadlay dadka Zakada la siiyay ayaa u sheegay in lacagahan laga soo qaaday dadka muslimiinta ee hantida leh, lana siinayo dadka fuqarada ah.

Kooxda Argagaxisada ah ee Al-Shabaab ayaa Sanadkii ugu dambeeyay kusii xoogesanayay Qeebo ma mida Magalada Moqdisho 6 lix sano kadib kooxda Al-Shabaab wexee u muuqata inee dib usoo ceshanayaan awoode ku lahayeen Caasimada Somalia ee Moqdisho 

Dhinaca kale Dowlada Somalia oo ka gaabisay la dagaalanka kooxda Al-Shabaab wexeena dagalkefa u weecisay burburinta Mamul goboleedyada 

By Ali Aadan Hashi