Waagacusub.com - Waa qaybtii labaad ee barnaamijyo taxane ah oo aynu ku eegayno habka farsamaysan ee lagu boobo hantida wasaaradda maaliyadda Soomaaliyeed, waxaanu todobaadkii hore idiin soo gudbinay dadaalka Hantidhowrka Guud ee qaranka oo baaris heer sare ah ku sameysay xafiiska wasaaradda maaliyadda, hantidhowrka Guud ee qaranka Fadumo Cusman Faarax oo baaris ku haysa Xafiiska Wasiirka Maaliyadda kadib markii ay soo baxday eedeymo sheegaya in la lunsaday hanti fara badan, wasiirka oo shaqadda gacanta u geliyay koox qowlaysato ah oo uu hogaamiyo Shire Axmed Jimcaale, kaas oo sanadihii 2011 iyo 14 kii ay kooxda monitoring group qormooyinkii tixraaca number S/2011/968, 31 December 2011. S/2014/936. 31 December 2014. ku tilmaameen smart corrupter, (Khabiir musuqmaasuq) mudo fog oo uu wasaaradda ka shaqaynayay ayaa u suurto gelisay in uu noqdo rugcadaa aan la fahmi karin habka uu ku lunsado hantida qaranka, Shire ayaa mudo 8 sano gudohood ah ku dhistay 47 guri oo ku kala yaal degmooyinka Yaaqshiid, Kaaraan, Shibis, Boondheere iyo Heliwaa.

Sadax maalin kadib markii Waagacusub idiin soo gudbiyay boobka ka socda wasaaradda, waxaa isla markiiba soo if baxday in dhowr wasaaradood laga goostay korantadii iyo biyihii, taas oo sababtay in gebi ahaanba shaqadii wasaaraduhu joogsadeen, haba ugu sii darnaadeen Wasaaradda Beeraha, Ganacsiga, xanaanada xoolaha, batroolka iyo gaadiidka, sida ay xaqiijiyeen ilo wareedyo lagu kalsoon yahay, wasaaradda maaliyada oo horey ugu faantay in dakhligii wasaaraddu kordhay, waxaa su’uul adag noqotay hadii dakhligu kordhay xaguu qabtay? Dood taas ku saabsan ayaa ka bilaabatay baarlamaanka, iyadoo wasiir Bayle kala hadlay sadax jeer, dakhliga kordhay ka sokoow, baarlamanka ayaa is weydiiyay halka ay ku dambaysay 50kii million oo Sucuudigu ku deeqay Soomaaliya,  Liibaan Obsiiye oo wasiir Bayle adeer u yahay iyo Shire Axmed Jimcaale ayaa todobaad kasta lunsada hanti faro badan.

Wasiir Beyle ayaa markii horaba shaqo ka bilaabay in uu karaamo dilo Saraakiisha ka hooseysa, isagoo shaqada ka fariisiyay Xoghayihii Joogtada Wasaradda Dr. Ahmed Dayib, isagoo marki dambana is qabteen Wasiir Ku-xigeenka Wasaaradda Mudane Dr. Qaloocow iyo Wasiiru-Dowlaha Wasaaradd Mudane Maxamud Xayir. Dr. Qaloocow waxaa laga soo xigtay in uu yiri "50 sano ayaan ku soo jiray Shaqo qaran, heerar kala duwanna waan ka soo qabtay, weligey ma arag qof Beyle oo kale ah” waxaa xusid mudan in Wasiir Beyle markii uu Wasaaradda Arrimaha Dibadda joogay 2014 in uu sidaa oo kale uu baabi’iyay Wasaaradda Hay’ad ahaanteedii, isagoo Wasaaraddii gacanta u galiyay koox dhalinyaro ah oo isaga ku heyb ah sida Ayuub Ismail, Liibaan Obsiiye, (hada waxuu u soo warjiyay W.Maaliyadda) Siyaad iyo kiwi kale oo markii uu Wasaaradda ka tagay iyaguna ka yaacay waayo maba aheyn shaqaale Qaran markii hore.