Topnews:- Maxaad ka taqaan Madaxweynaha cusub ee Galmudug iyo sababta loo eryay Caalin

02 December 2011 Waagacusub.com-Diblomaasiyiinta Mareykanka ee qaabilsan Arrimaha Somalia ayaa xilka qaadistii baarlamaanka Galmudug State ku eryay Madaxweynahii hore ee maamulkooda Mohamed Ahmed Caalin ku sifeeyay “Democracy in Action” Ficil Dimoqoraadiya.

Qurba joogta Galmudug ayaa Dabaaldegyo lagu taageera xilka qaadista Madaxweynahii hore ee Galmudug ka sameeyay Caalamka gaar ahaan Waqooyiga Amerika iyo dalalka Midowga Yurub waloow dad tiro yar xilka qaadista Caalin ka muujiyay walaac.

Mohamed Ahmed Caalin oo lagu eedeeyay inuu Galmudug ku maamulayay hab dhaqan keligii talisnimo waxaa xilka qaadistiisa u sacab tumay siyaasiyiinta iyo Saraakiisha Ciidan ee beeshiisa sida Bashiir Tahliil Warsame,Caydiid Colow iyo Cabdullahi Qarsho taas oo meesha ka saartay walaacii laga qabay inay jufadiisa ka biyo diido habka dimoqoraadiga ee baarlamaanka Galmudug u eryay Korneyl Caalin.
Korneyl Mohamed Ahmed Caalin inta aan xilka Madaxweynenimada laga xayuubin waxaa gurigiisa ugu tegay 45 masuul oo isugu jiray Siyaasiyiin,Culumaa’udiin,Odayaasha dhaqanka ,haween,dhalinyaro iyo Saraakiisha Ciidamadda Galmudug .
45-ta Xubnood ayaa Korneyl Caalin ku yiri” Anagoo ka dheregsan qaladaadkaada ay ugu dambeysay inaad iibsatay Macaawinadii Iran ee Galmudug ,taas oo dhameeyd afar boqol oo tan,waxaan kuugu nimid inaan marada kuu celino oo is casilaadaada ku dhawaaqdid”
Mohamed Ahmed Caalin ayaa qaadacay codsigii gudigga beelaha Galmudug,wuxuuna ku hanjabay inuu dhici doono dagaal la mida kii Salbalaar iyo Cakaaro hadii kursigiisa lagu fara gashto.
“ Wasiiradaan idinla socda ee igu qasbaya inaan is casilo dhamaantood xilalka ayaan ka qaadayaa”ayuu Korneyl Caalin ku yiri xubnahii gudigga ee xaal mastuurka ugu tegay.
Xubnaha gudigga beelaha Galmudug ayaa Ciidamadda amaanka ku amray inay adkeeyaan amaanka Xarunta baarlamaanka kadibna waxaa furmay kulankii Golaha Baarlamaanka Galmudug oo hore loogu yeeray Korneyl Caalin .

Gudoonka baarlamaanka Galmudug oo hore u hayay Mooshin 12 Xildhibaan ku dalbanayeen in Mohamed Caalin hor tago baarlamaanka ayaa ku dhawaaqay in cod gacantaaga loo qaado xilka qaadista Caalin.
17 Xildhibaan ayaa gacanta u taagay Imbeejmantigii xilka qaadista Madaxweynahii Galmudug. Halkaan ka Dhageyso
Warbaahinta maqalka iyo muuqaalka oo dooda baarlamaanka iyo mooshinka xilka qaadista lagu casuumay ayaa baahisay xilka qaadista lagu sameeyay Madaxweynahii Caalin iyo dimoqoraadiyada Xildhibaanada ugu codeeyeen.
Nin lagu magacaabo Ahmed Baasto oo sheegta inuu yahay Afhayeenka Korneyl Caalin ayaa qaadacay xilka qaadista lagu sameeyay Madaxweynahii Galmudug.
Wariye Wareeysanayay Ahmed Baasto ayaa waydiiyay sababta uu ku qaadacay xilka qaadista lagu sameeyay caalin,wuxuuna ku jawaabay Afhayeen Baasto “ Fadhiga Baarlamaanka waxaa ka maqnaa Gudoomiye ku xigeenka 1-aad ee Baarlamaanka Galmudug ninkaas oo u dhashay beesha Shiikhaal sidaas darteed kala fadhi uu ka maqan yahay masuul metelaya beesha Shiikhaal ansax maaha” Halkaan ka dhageyso.
Wariyaha Wareeysanayay Afhayeen Baasto oo yaaban ayaa waydiiyay “ Dastuurka Galmudug waxaa ku qoran in Baarlamaanka xil ka qaadis ku sameeyn karo Madaxweynaha hadii sedex meelood laba meel u codeeyso,adigana waxaad ka hadleeysaa nin beel u dhashay!! Maxaa kaa qaldan mise Dastuurka Galmudug ayaad akhrin”?
Ahmed Baasto oo warkii ku xirmay ayaa yiri “ Ilhaano kugu dhacday maxaad sidaas iigula hadleeysaa”
Inkastoo guud ahaan Wareeysiga Ahmed Baasto qofkii dhageystaba ku qoslay hadana xilka qaadista Caalin waxay soo afjartay dagaal mudo dheer lagula jiray koox uu Gudoomiye u yahay oo lagu magacaabo KOOXDA ISMOOG.
MAXAA XIGA XILKA QAADISTA KORNEYL CAALIN!!?
Amaanka Koofurta Magaaladda Galkacyo ayaa xalay aad loo adkeeyay,waxaana mooshinkii xilka qaadista la horgeeyay saakay Gudoonka Maxkamadda Sare ee Galmudug.
Maxkamadda Sare marka ay aqbasho sharciyada xilka qaadista Madaxweynahii Galmudug lagu sameeyay,waxaa la guda gelayaa xaflad lagu caleemasaaraa Madaxweyne ku xigeenka Galmudug oo xilka sii heyn doonaa ilaa doorashada Madaxweynenimada laga qabanaa.
WAA KUMA HOGAAMIYAHA U SHARAXAN MADAXWEYNENIMADA GALMUDUG?
Xilka Madaxweynenimadda Galmudug waxaa loo wadaa 59 jir Masters Degree ka heysta International Politics.
Madaxweynaha Mustaqbalka dhaw ee Galmudug wuxuu ka tirsanaa Ciidamadii Boliiska Somalia ,wuxuuna ku jiray shaqsiyaadkii aas aasay Galmudug State.
Hogaamiyaha cusub hadii uu ku guuleeysto Madaxweynenimada Galmudug waxaa la rumeeysan yahay inuu Galmudug u baryay Waacusub oo xambaarsan horumar iyo dimoqoraadiyad lagu faani karo.
GUDIGGA SARE EE MADAXWEYNE CAALIN OO WAR SOO SAARAY.
Gudigga beesha Sacad Habargidir oo Muqdisho ku qabtay Shir Saxaafadeed ayaa shaaca ka qaaday inay taageersan yihiin xilka qaadistii baarlamaanka Galmudug shaqada uga eryeen Madaxweynahii Galmudug.
Gudigga Muqdisho kula hadlay Saxaafadda waxaa u madaxa Siyaasiga weyn ee Mohamed Farah Jimcaale.
DIBADBAXYO LAGU TAAGEERAA GALMUDUG OO GALKACYO KA SOCDA.
Bulshada reer Galmudug ayaa Magaaladda Galkacyo iyo degaanada ku xeeran ka wado dhaqdhaqaaqyo ay ku qabanqaabinayaan dibadbaxyo lagu taageeraa isbedelka cusub ee Galmudug ka dhacay iyo go’aanka baarlamaanka Galmudug xilka uga qaaday Korneyl Caalin.
DEEQDII GALMUDUG KA HESHAY MUCAAWINADA IRAN SIISAY SOMALIA XAGEE MARTAY?
Madaxweyne Caalin ayaa iibsaday afartii boqol tan ee Galmudug la siiyay,waxaana u iibiyay nin u dhashay beesha ABGAAL oo lagu magacaabo Bashiir halka Maamulka Puntland dadkiisa u qeybshay afartii boqol tan ee Macaawinada Iran ay ka heleen.

Daawo Video Dagaalka Muqdisho= Meydadka Al-Shabaab iyo Amisom

Dhageyso Barnaamij gaara Gabayo+Khudbado+Heeso Wadaniya

Online inta akhrisanee

--
Dahir Alasow, A senior Radio and TV journalist, a leader of a press watchdog ASOJ, the editor of waagacusub.com, and outstanding commentator with fearless check on actions of the political groups and others players through investigative journalism, plus defender of the public interest and voice to the voiceless through "the truthful tip of his truth pen"
"Tribalism provides NO shelter; it ONLY causes destruction."
"Dugsi Male Qabyaaladi Waxay Dumiso
Mooyaane" Cabdullaahi Suldaan Timacadde

http://www.dahiralasow.com
Tel: +31684863567
dahiralasow@asoj.org
dahir.alasow@mareeg.com
dahir.alasaw@raadtv.com
dahiralasow@waagacusub.com
www.waagacusub.com
www.asoj.org

By Dahir Alasow

Waagacusub is Investigative media with sense of professionalism, fearless in cultivating the truth, informative, unbiased, independent, educative, a role model and a voice to the voiceless.
By Dahir Alasow
+31684863567
Dahir.alasow@asoj.org

Hees Dhiigshiil ha dhigan Download here MP3