Topnews:- Madaxweynahii hore ee Galmudug oo xabsi guri la gelshay.

04 December 2011 Waagacusub.com-Ciidamo lixaadleh ayaa la dul dhigay guriga uu Magaaladda Galkacyo ka degan yahay Madaxweynahii xilka laga qaaday Korneyl Mohamed Ahmed Caalin oo la xaqiijiyay inuu gurigiisa la jooga Sarkaal ka tirsan taliyeyaasha burcad badeeda oo lagu magacaabo Axmed Cismaan Kaahiye (Fatxi).

Saraakiisha amaanka Galmudug ayaa Waagacusub u sheegay inuu xabsi guri ku jiro doono Korneyl Caalin iyo Taliyaha burcad badeeda inta looga dhawaaqaa go’aanka Maxkamada.

Ila wareedyo muhiima ayaa tibaaxay in Saraakiisha amaanka rumeeysan yihiin in Axmed Cismaan Kaahiye (Fatxi) lacag u geeyay Caalin si loogu kala furfuro Ciidanka Galmudug oo dhamaantood aqbalay codkii baarlamaanka Galmudug xilka uga qaadeen Korneyl Caalin.
Mohamed Ahmed Caalin ayaa Axmed Cismaan Kaahiye (Fatxi) u magacaabay Madaxa la dagaalanka burcad badeeda Galmudug .
Axmed Cismaan Kaahiye (Fatxi) waxaa degaanka Hobyo ugu afduuban laba Markab oo midkooda laga leeyahay dalka Gariiga.
Ciidamo ka tirsan Daraawiishta Galmudug ayaa sidoo kale isku gadaamay guri la sheegay in lagu dejiyay Deeq Dowladda Turkiga ugu deeqday shacabka Galmudug.

Korneyl Caalin ayaa la sheegay inuu deeqda Turkiga u wakiishay nin lagu magacaabo Mustafe Caweeye kaas oo ku dejiyay guri ku yaal Koofurta Galkacyo.
Mohamed Ahmed Caalin wuxuu rucle ugu jiraa sidii uu xilka qaadistiisa ugu sameen lahaa weji siyaasadeed.
Dadka dhaliila Caalin waxay leeyihiin .
Cod malahan= Waa nin aan hadal aqoon
Gacan Malahan= Qabri qori saar mooyee qori ka qaad maleh.
Geesi maaha = Waa nin fulaya oo mowqifkiisa cadeeysan Karin.
Aqoon malaha = Xitaa Luqadaha ajnabi mid uu yaqaan ma jirto.
Go'aan malahan = Waa nin jilicsan oo gebi dhacleen badan.
Saamile burcad= Wuxuu saami ka qaataa burcad badeeda
Khaa’in : Wuxuu iibsadaa Deeqaha loogu talay shacabka.
Jufadiisa waxaa ka taageersan Baasto Ilhaano oo Wasiirnimadiisa aan baarlamaanka la marsiin iyo Xasan Jibouti oo Nairobi ku nool.
Jufadda uu ka dhashay eer Ayaanle nin wax garto oo Caalin la socda malahan!!
Kaahiye Luga god,
Axmed Minister
Bashiir Warsame Cawaale
Xasan Nuur ridin
Cumar Sheekh Cali
Ilmo sheekh labaale
Ilmo Cali Warsame
Dhamaan ragaani waxay taageersan yihiin xilka qaadista Caalin lagu sameeyay waana raggii ugu dhawaa dhalashada .
MUXUU YIRI CAALIN:-
Mar wuxuu Leeyahay Reer la yiraa Culus ayaa xilka iga qaaday.
Mar wuxuu leeyahay Cabdiyaal ayaa inqilaab igu sameeyay.
Mar wuxuu leeyahay Wahaabiya ayaa fara marooqsatay xukunka Galmudug.
Mar wuxuu leeyahay Cabdullahi Kobaweyne ayaa I afgambiyay.
Mar wuxuu leeyahay Madaxweyne Shariif ayaa ka dambeeyay xilka qaadisteyda.
MAXAA U SABABA INUU KALA HADLO.
A- Wuxuu sii jecleeysanayaa inuu iska qayilo.
B- Inuu Saamiga burcad badeeda qaato.
C- Inuu deeqaha Waxbarasho iyo Cuntooyinka iibsado.
D- Inuu isku diro bulshada Galmudug oo xirfadiisa hangashnimada adeegsado.
QAYLA DHAANTIISA JUFO MAXAY TIRI KARTAA?
Hadii jufadiisa oo dhan isku raacdo inay taageerto waxba uma tiri karto maxaa yeelay waxaa laga qaaday xilka Madaxweynenimada Galmudug ee qofna kuma qabsan xilka Madaxweynenimada Reerkiisa.
Hadii reerkiisa u duubto inuu ku taageero qaladkiisa waxay dadku xaqiiqsanayaan inuusan aheyn Madaxweyne Galmudug oo ahaa hogaamiye juffo.
MAXKAMADDA MAXAA LAGA FILAN KARAA?
Maxkamada natiijadeeda waa garsoor iyo cadaalad,waana nasiib daro hadii ay xukmiso xeer jajab.
Hadii Maxkamada hortagaan 17-ka Xildhibaan ee xilka qaadista ku sameeyay Caalin waxay Maxkamadda ku qasban tahay inay ansixiso laakiin hadii aysan hortegin waa inay Maxkamadu laasho xilka qaadistaas maadama sharcigu yahay in loo helo cod buuxo.
HADII MAXKAMADU TIRAA,CODKU WAA 17 XILDHIBAAN OO BUUXA LAAKIIN?
Hadii Maxkamadu diido Codka 17-ka Xildhibaan waxaa meesha ka baxaya nidaam dimoqoraadiya iyo mid Doowliya maxaa yeelay hadii awooda baarlamaanka jirin Dowladnimana meesha kama jirto?
CADAADISKA BEESHA CAALAMKA EE XILKA QAADISTA BEESHA CAALAMKA?
Beesha Caalamka waxay af cad Wasiiradda Galmudug ugu sheegtay inaysan Galmudug taageero dhaqaale siineyn inta uu Caalin ka yahay Madaxweyne maadama lagu helay musuqmaasuq ,sida iibsasho Macaawino,saami ka qaadasho burcad badeed.

Daawo Video Dagaalka Muqdisho= Meydadka Al-Shabaab iyo Amisom

Dhageyso Barnaamij gaara Gabayo+Khudbado+Heeso Wadaniya

Online inta akhrisanee

--
Dahir Alasow, A senior Radio and TV journalist, a leader of a press watchdog ASOJ, the editor of waagacusub.com, and outstanding commentator with fearless check on actions of the political groups and others players through investigative journalism, plus defender of the public interest and voice to the voiceless through "the truthful tip of his truth pen"
"Tribalism provides NO shelter; it ONLY causes destruction."
"Dugsi Male Qabyaaladi Waxay Dumiso
Mooyaane" Cabdullaahi Suldaan Timacadde

http://www.dahiralasow.com
Tel: +31684863567
dahiralasow@asoj.org
dahir.alasow@mareeg.com
dahir.alasaw@raadtv.com
dahiralasow@waagacusub.com
www.waagacusub.com
www.asoj.org

By Dahir Alasow

Waagacusub is Investigative media with sense of professionalism, fearless in cultivating the truth, informative, unbiased, independent, educative, a role model and a voice to the voiceless.
By Dahir Alasow
+31684863567
Dahir.alasow@asoj.org

Hees Dhiigshiil ha dhigan Download here MP3