Somalia Latest News English
Topnews:- Hogaamiyeyaal ka tirsan Al-Shabaab iyo Xisbul Aweys oo ka dhoofay Garoonka weyn ee Mogadishu

Somali Journalists news Clickhere Wararka Saxaafadda akhriso

Mogadishu 05 December 2009 Waagacusub Media.

Gudoomiyahii hore ee Ururka Xisbul Islaam Cumar Iimaan Abuubakar oo hada ah,Gudoomiye ku xigeenka Ururka iyo Taliyaha Amniga Al Shabaab ee gobolka Banadir Abdullahi Wadaad ayaa labadaba ka dhoofay garoonka weyn ee Mogadishu loona bixiyay dhawaan Adan Cadde International Airport.

(English) (Music) (Cheif editors) (Diinta) (Sports ) (Radio) (TV) (Sheeko)

 
Garoonka Mogadishu oo ay amnigiisa sugaan Ciidamadda Amisom.kana mida Xarumaha fara ku tiriska ee Dowladda Federalka Somalia maamusho,waxaa la xaqiijiyay inay si joogtaa u isticmaalaan Saraakiisha Ciidamadda sare iyo Madaxda Xisbul Islaam,taas oo la yaab iyo amakaag ka dhigan.

Gudoomiye ku xigeenka Xisbul Aweys ama Xisbul Islaamka Somalia Dr Cumar Iimaan Abuubakar wuxuu hada joogaa dalka Saudi Arabia oo uu dhaqaalo xoogan ka helay,waxaana lagu wadaa inuu 13 December 2009 dib uga soo dego Adan Adde Airport.

Sarkaalka Al-Shabaab u qaabilsan amniga gobolka Banadir Abdullahi Wadaad oo u dhashay beesha Abgaal gaar ahaan Wacbuudhan Daa'uud waxaa la xaqiijiyay inuu hada joogo Magaaladda Karachi ee dalka Bakistan wuxuuna 16 December ee sanadkaan ku wajahan yahay Dalka Eretria oo markii horeba uu ku hormaray,kagana soo dusay Bakistan,

Saraakiisha Ciidamadda iyo madaxda ay ka mid yihiin labadaan hogaamiye dagaal waxaa la xaqiijiyay inay garoonka Mogadishu ka dhoofiyeen Saraakiil ka tirsan kuwa Ciidamadda la baxay Daraawiishta,Ex Golahii Maxaakiimta.

27 Sarkaal oo Maxaabiisnimo looga qabtay Al-Shabaab iyo Xisbul Islaam ayey Saraakiisha sare ee Dowladda Federalka ka waayeen Xabsiyadii lagu xiray,waxaana la rumeeysan yahay in ragaas la sii daayay.sida uu Waagacusub u sheegay Afhayeenka taliska boliiska Somalia Korneyl Abdullahi Bariise.

Dhacdooyinkaan waxay muujinayaan in Al-Shabaab iyo Xisbul Islaam si degan u maamulayaan Madaxtooyadda Somalia,Garoonka iyo dekadda Mogadishu.

Madaxtooyadda Villa Somalia waxaa ku hoydo sedex sarkaal oo sheegtay inay ka goosteen Al-Shabaab iyo Xisbul islaam hasse yeeshee waxay Xeeldheerayaal badan aaminsan yihiin inay ka mid yihiin Saraakiisha Sirdoonka ee Madaxtooyadda u joogo inay xoga bixiyaan.

Saraakiisha soo goosatay iyo Saraakiil badan oo ka tirsan Ciidamadda DARAAWIISHTA waxay si joogtaa u isticmaalaan telefoonadda gacanta,taas oo noqoneyso wax la yaaba.

Saraakiisha sheegtay inay ka goosteen garabyadda Dowladda ka soo horjeeda waxay sharciyadda Ciidamadda ahayd in la geeyo bar cayiman lagana mamnuuc isticmaalka Isgaarsiinta hasse yeeshee dhaqanka qalafsan ee Dowladda Federalka waxaa ka qeyba in askartooda dable iyo ilaa Jeneral wada sitaan telefoonada gacanta.

Madaxweyne Shariif Sheekh Ahmed oo muuqaalkiisu yahay nin isla weyn,waxaa la taliyeyaashiisa sedex ka mida la xaqiijiyay inay yihiin Saraakiil ka tirsan Marjaca sare ee Al-Shabaab.

Golaha Baarlamaanka Somalia waxaa garabyadda Xisbul Islaam iyo Al-Shabaab ugu jira 211 Xildhibaan oo si joogtaa u siiya Warbixinadda.

Sirdoonka Kooxda Al-Shabaab waxay u shaqeeyaan qaab la mida KBG Russia,waxayna si sahlan ula socdaan guud ahaan dhaqdhaqaaqyadda Madaxda Dowladda Federalka Somalia waana sababta Hotel Shamo loo sii dejiyay Naftii hurihaii ka tirsanaa ee gumaadka ba'an geystay waloow aysan ku guuleeysan Warbixintii ay heysteen ee sheegeeysay in Madaxweyne Shariif ka qeybgalayo xafladaas.

Saraakiisha iyo askarta laga qabto Al-Shabaab lama dilo,waxayna si degan ugala baxaan Xabsiyadda Dowladda,waxaa kale oo xusid mudan inay iibsadaan hubka dowladda intiisa badan sida uu qirayo Dhuumaal oo ah taliyaha Ciidaamdda Xooga dalka Somalia ee mar dhaweyd uun xilka qaadis aan la shaacin lagu sameeyay.

Dhuumaal wuxuu rumeeysan yahay in Al-Shabaab yihiin Ciidamadda iyo Saraakiisha Maxaakiimta,wuxuuna leeyahay " Halistu waxay joogtaa Madaxtooyadda,Garoonka,dekadda iyo meel walboo ka mida Xarumaha Dowladda"

Kooxda Al-Shabaab waxay ag mareeysaa Caasimadda iyo inay dagaal toosa la gasho Xisbul Islaam,waxayna qabaneysaa inta badan goboladda Somalia.

La taliyeyaasha Madaxweyne Shariif ee ku xiran Al-Shabaab waxay wiiqayaan siyaasadiisa,waxayna kula talinayaan inuu la coloobo Somaliland,Puntland,Ahlusuna sidoo kalena Dowladda ka saaro dhamaan Saraakiisha dagaalka ee aan hore uga tirsaneyn golaha Maxaakiimta.

Sheekadda qarsoon ee xiisaha badan waxay tahay in Madaxweyne Shariif bishii la soo dhaafay qaaradda Europe u soo dhoofiyay 21 Sarkaal oo ka mida horjoogayaashii Ciidaamdda ee difaacayay fariisamaha Dowladda Federalka Somalia.

Madaxweynaha wuxuu furay qorshe Saraakiisha Ciidamadda ee aan ka tirsaneyn kuwa Maxaakiimta lagu siinayo Visayaal Europe,si ay dalka uga baxaan.waxaana la sheegay in dhamaadka bisha December ay dalka Italy tegayaan ilaa afartan Sarkaal.

Sababaha Madaxweyne Shariif ugu qalqaalinaa qaxootinimadda Saraakiisha difaacaya Qaranimadda Somalia lama ogga hasse yeeshee marka dhinaca kale laga fiirsho,wuxuu Dowladda Midnimadda Qaran ka dhigayaa Xisbi Gole Maxaakiim.

Madaxweyne Shariif wuxuu hore u takooray Masuuliyiintii gobanimada dhaliyay sida Nur Cadde,Ahmed Abdi Salaan iyo Mustafe Dhuxuloow,wuxuu sidoo kale jabhad ku sifeeyay Culumaa'udiinka Ahlusuna,wuxuu colaadiyay oo naceyb badan ka abuurtay shacabka iyo madaxda Puntland,wuxuu lacago badan ku baxshay sidii Galmudug State loo burburin lahaa,isagoo qirtay inuu Ahmed Shariif Cali Hilowle u diray Galkacyo.

Madaxweyne Shariif oo ay dad badan ka maagan yihiin hab dhaqankiisu,wuxuu seefta la dhacay Madaxdii gobolka Banadir,wuxuuna riixay in xarunta gobolka Banadir xiranto,sidoo kalena Inj Nuune oo loo magacaabay Gudoomiyaha gobolka ayaa Mogadishu isaga cararay oo Nairobi ka dhigtay fariisin uu ku maareeyo amaankiisa shaqsi.

Saraakiisha Ciidamadda Xooga dalka Somalia ee ku jira Isbitaal Martiini ayaa Madaxweyne Shariif ku sifeeyay nin aan qadiyad wadanimo laheyn,waxay u arkaan nin isla weyn oo siyaasada ka jooga alif,

"17 Sarkaal oo isugu jiro Jeneralo,Korneylo iyo gaashaanle yaal ka tirsan Cuuryaamiinta xooga dalka ee Isbitaal Martiini ayuu madfac laayay,21 kalena way ku dhaawacmeen,maalintii aaskooda ma imaan,halmaalina dhaawacooda ma booqan laakiin markii la dilay sedex Wasiir oo ka tirsan Xisbigiisa Maxaakiimta,wuxuu yimid Isbitaalka,wuxuu Salaadda Janaasa kula dukaday gobolka Banadir,anagana nalama hadlin"ayuu yiri Afhayeenka Cuuryaamiinta xooga dalka Somalia oo la hadlayay Saxaafadda.

Hore qaraxyo lagu hoobtay ayaa uga dhacay Hotel Madiina Beledweyne iyo Dugsiga tababarka xalane ee Mogadishu,waxaana labadaba ku naf waayay boqolaal waxgal Somali iyo ajnabi isugu jiray.

Marka gumaadka xoogan ay geystaan kooxda Al-Shabaab waxaa caado iyo astaan noqotay in tacsi iyo cambaareeyn lagu koobo sheekadda laakiin taasi ma noqon karto mid dowladda ku sii shaqeeyso.

Madaxweyne Shariif Sheekh Ahmed wuxuu hada ku nool yahay isku wareeg dhul ka yar laba KM.waxaana dad badan qabaan inay madaxiisa u dhiman doonaan dad badan oo aan waxba galabsan.

Dowladda Federalka KMG ee Shariif ka yahay Madaxweynaha waxay noqotay mid dhiig badan daadiso,waxaana nasiib daro taariikhiya inaan dib u dejin loo sameeyn weli Malaayiinta qof ee ku hoos nool geedaha.

Hay'ada UNDP ee dhaqaalaha siisa Dowladda Federalka waxay miisaaniyadda loogu tala galay shacabka Soomaaliyeed ku cunaan Hoteladda ku yaal Nairobi,taasina waa mid cadeeynteeda la hayo.

UNDP oo hada noqotay Dowladda Somalia ka jirta ee Maamulka oo dhan kor ka maamusho,waxyaabaha ay sameeyso ee la yaabkaa waxaa ka mida in Warqad lagu diri karo Fax loo kireeyo diyaarad lagu sheegaa in kiradeedu tahay aduun ka badan shan iyo labaatan kun dollar.

Warqadaas la geeyo Xamar ama Bosaso,lacagta loogu magac sameeynaa waxay doorweyn ka Ciyaari kartaa nolosha boqolaal qoys oo laga yaabo inaysan quraac iyo qado helin balse sida muuqato wuxuu ujeedkoodu yahay inay xaaladaha murugsan ee maatida Somalia ku sugan yihiin ka dhex raadiyaan Mashruuc.

Xukumadda Mareykanka lafteeda ma mooga sida wax u socdaan,waxayna qaadi karaan tilaabooyin lagu soo afjaraa kooxaha argagixisada caalamiga iyo shaqsiyaadka ku xiran ee ku lamaansan Madaxweyne Shariif hasse ahaatee,xaqiiqadu waxay tahay in Filmka loo sameeynaa suta dheereeysi,laga dhex abuuraa mashruuc socon kara waqti dheer.si dhaqaala badan looga helo.

Mareykanka Adan Ceyroow oo danahooda ku ahaa halis weyn iyo Saleh Nabhan oo kaga darnaa labadaba midna way ka dul degeen,midna gantaal ayey dhulka la jareen,taasina waxay shaki bixinee inay awood u leeyihiin soo afjarida mashruuca barakaca iyo ismiidaamiinta ee kooxaha Alqaeda ka wadaan Somalia.

3 December 2009 oo waxgaradka iyo wadaniyiinta Somalia u aqoonsan doonaan maalin madoow oo murugo lagu xasuusto leh,weli ma muuqato tilaabo loogu aargudayo ardaydii iyo waxgalkii la xasuuqay,waana tiiraanyo laga ilmoodo in Shariif Sheekh Ahmed Sharaf iyo karaama moodo hab dhaqankiisa ku kooban diyaarad raacid iyo ku dhex gambasho taangi Uganda.

Shariifka la taliyeyaashiisa Al-Shabaab waxay hada geliyeen inuu kordhisto labo sano oo aan la aqoon sharciyada u saamaxeeyso,waxaa kale oo todobaadyo kadib uu bilaabi doonaa olole uu xilka uga qaadayo gudoonka sare ee baarlamaanka Somalia.

isku soo duub,Dalka iyo Dadka Somalia oo jaanisyo badan helay.waxaa la degay hogaan xumo

I share the awful situation with you Clickhere

Questions and Answer about Sheik Mohamud Ow Abdulle Ariif

Email: waagacusub@waagacusub.com ama dahiralasow@yahoo.com
Waagacusub Sunday Music Part3 Dhageyso ama Download
Waagacusub Sunday Music Part2 Dhageyso ama Download

Sunday Music-Heesahii Radio Mogadishu Dhageyso ama Download

Waagacusub Media

The Largest Media in Somalia

WaagacusubOnline@yahoo.com
ASOJ MEMBERS MET IN NAIROBI  that meeting 
was discused the objective of the asoj and was 
nominated new