Topnews:- Socdaalka Madaxweyne Shariif ee UK oo shaki badan huwan iyo Mareykanka.

Xukumadda Mareykanka ayaa ansixisay qorshe uu Taliyaha Ciidamadda Melleteriga Somalia Jeneral Mohamed Geelle Kaahiye ku sheegay istiraatijiyada ugu wanaagsan ee dalka looga sifeeyn kara kooxaha ku xiran Shabaakada Al Qaida sida ay Waagacusub.com ugu xog warameen ila wareedyo muhiima.

Qorshaha Jeneral Kaahiye oo la meelmariyay kadib kulan uu Saraakiil ka tirsan Gaashaandhiga Mareykanka kula yeeshay Nairobi waxaa hore u laalay Shariif Sheekh Ahmed iyo Shariif Hassan Sheekh Aadan.

Hoowlgal la magac baxay Neck out Operation of Somalia ayey si wadajira u fulin doonaan Ciidamadda Cirka ee Mareykanka,kuwa dowladda,Ahlusuna iyo Ciidamadda Amisom.sida laga soo xigtay Saraakiil lagu kalsoon yahay oo Somali iyo ajnabi isugu jira.

Labada Shariif waxay beesha Caalamka saareeysaa cadaadis dheeraada,waxaana shaki badan hareeyay socdaalka Madaxweyne Shariif ku jooga dalka Ingiriiska.

Ila wareedyo ka tirsan Wafdiga Madaxweynaha iyo diblomaasiyiin reer Galbeeda ayaa laga soo xigtay in laga saxiixaa qorshe Midowga Yurub horboodaa,laguna doonaa in Maxmiyad shan sanadood la geliyo dalka Somalia si loo meelmariyo hindisaha Melleteri ee Ciidamadda Mareykanka kaga qeybqaadanayaan dagaal lagu ciribtiro Maleeshiyaadka Al Qaida ee ku sii xidideeysanaa gudaha Somalia.

Lama ogga in Madaxweyne Shariif saxiixi doono hindisaha lagu godoominaa Somalia hasse yeeshee Midowga Yurub waxay xusul duub xoogan ugu jiraan sidii Kursiga Madaxweynenimada Somalia loogu fariisan lahaa Korneyl Nuur Cadde oo sanad iyo bilooyin ka hor hayay xilka Ra'isulwasaarenimada Somalia.

Warbixin laga diyaariyay Madaxweyne Shariif Afgaduud iyo saaxiibkiisa Shariif Sakiin ayaa lagu qeexay in dhaqaalahii loogu talagalay inay kula dagaalaan Al-Shabaab ay ku tagri faleen,una adeegsadeen dagaalo siyaasadeed ay kula jiraan madaxda sare ee dowladda Federalka Somalia.

Shariif Sheekh Ahmed oo siyaasadda ka soo galay maamulkii Mohamed Dheere ee Magaalada Jowhar,gobolka Shabeeladda dhexe wuxuu noqday nin ka hoos maray hankii beesha Caalamka u qabtay,waxaana sidoo kale lagu eedeeynayaa ballan xumo,go'aan jilacsanaan iyo ku xadgudbid awooda Xafiiska Ra'isulwasaaraha.

Socdaalka Shariifka ee UK,uuna kula kulmay Raisulwasaare Brown wuxuu muujiyay sida meesha looga saaray awoodii Ra'isulwasaarre Omar Cabdi Rashiid maxaa yeelay dalka Ingiriiska marka tusaale laga dhigto waxaa ugu sareeya boqorada oo u dhiganta Madaxweynaha dalka.halka shaqada fulintana uu leeyahay Ra'isulwasarre Brown.

Diblomaasiyiin diiday in magacooda la xigto ayaa Waagacusub.com u sheegay in Shariif Sheekh Axmed lagula xaajoon karo inuu iskaga tago Xafiiska Madaxweynenimada si loo xulo shaqsi kaga firfircoon siyaasadda,

Shariif Afgaduud markii la gelayay doorashadii Jibouti wuxuu beesha Caalamka uga baxay axdi dhigayay inuu xilka Madaxweynenimada uga haro Amb Nuur Cadde hasse yeeshee wuxuu ka faa'iideeystay jaaniskiisii ka dhigayay Madaxweyne maadama uu baarlamaanka ku lahaa 275 Xildhibaan oo isaga gacantiisa iyo maskaxdiisa ku xushay.

Mareykanka waxay dagaal la galeen taageerayaashii SNA ee Somalia,waxayna duqeeyn dhinaca cirkaa ku dileen boqolaal ku shirsanaa guri ku yiil Banadir Mogadishu laakiin ugu dambeyntii waxay dalka ka baxeen iyagoo guuldaro xambaarsan.

Gantaalo ayey la beegsadeen Saraakiil ka tirsan AL Qaida sida Adan Xaashi Ceyroow oo Bishii May ay gurigiisa ugu geeyeen gantaal uu ku dhintay,kuna baxday lacag kor u dhaafeeysa lix Milllion oo dollarka Mareykanka.

Saleh Nabhani,oo ahaa ninkii ugu sareeyay Al Qaidada geeska Africa ayey weerar Melleteri ku qabteen isagoo dhaawaca xilli uu ku socday jid ku dhaw Warta Roobow ee gobolka Shabeeladda hoose hase yeeshee waxaa jiray gantaalo fashilmay,oo ay hore ugu tuureen baro ku yaal gudaha Somalia.

Si kastaba ha ahaatee,awooda sare ee dowladii lagu dhisay Jibouti waxay tahay mid ku jirta gacanta labada Shariif,waxayna taasi meesha ka saartay magacii hore loogu waqlalay ee dowladda Midnimada Qaran ee Somalia.

09 March 2010 Waagacusub Media

Questions and Answer about Sheik Mohamud Ow Abdulle Ariif

Email: waagacusub@waagacusub.com ama dahiralasow@yahoo.com
Waagacusub Sunday Music Part3 Dhageyso ama Download
Waagacusub Sunday Music Part2 Dhageyso ama Download

Sunday Music-Heesahii Radio Mogadishu Dhageyso ama Download

Waagacusub Media

The Largest Media in Somalia

WaagacusubOnline@yahoo.com
ASOJ MEMBERS MET IN NAIROBI  that meeting 
was discused the objective of the asoj and was 
nominated new