Ururka dabargoynta qabiilka oo xaflad qabtay
Buskerud 11
/May/2008
Waagacusub.com
Xaflad ay isugu yimaadeen dad aad
u farabadan ayaa ka dhacday bartamaha Magaalada Drammen,
gobolka Buskerud ee wadanka Norway.
Xafladaasi ayaa waxaa soo agaasimay ururka DQHD SOM ee
degen gobolkaas iyo nawaaxigiisa.
Xafladaan ayaa waxaa ka soo qaybgalay shacabka somaaliyeed
ee degen magaalada Drammen oo u badnaa dhalinyaro isugu
jiray wiilal iyo gabdhu soomaaliyeed. Ulajeedada loo
qabtay xafladaan wadatay qudbooyinka kala duwan ayaa
waxeey aheeyd in lagu wacyigaliyo dhalinyarta iyo bulshada
soomaaliyeed ee degen gobolka Buskerud khaas ahaan
magaalada Drammen.
Waxaa xafladaan qabanqaabadeeda iyo habeynteedaba iska
lahaa ururka DQHDSOM, khaas ahaan maamulka websiteka
Faatima Maxamad Daahir (Fanka) iyo inanta reer Drammen ee
ka socotay gudiga soo dhaweeynta iyo tababarida xubnaha
cusub ee ururka DQHDSOM Shukri Suleemaan (Haboon).
Waxaa halkaas ka hadlay dhamaan xubnaha ururka DQHDSOM ee
ka socday maamulka sare ee ururka DQHDSOM oo kale ah:
Gudoomiye ku xigeenka: Hassan Nuradin Abdalla (Hanuuniya)
Xoghayaha labaad: DRs Deeqo Cali Abuukar ( Deeqa Luul)
Afyeenka labaad: Muno Cabdi (Laba qarax ) Maamuulka
websideka :Fatima Maxamed Daahir (Fanka)
Maamulaha gudiga sportiga : Cabdi Rahiin Mahamed Abdi (Abuu
Salma)
Gudiga soo dhaweeynta iyo tababarista xubnaha cusub oo
kala ah:
Najmo Maxamuud Geedi (Nafta) iyo Shukri Sulemaan (Haboon).
Xafladaan ayaa eheeyd mid aad u xiiso badneeyd oo aad ay
ula qiiroodeen ka soo qayb galayaasha, maadaama
dhalinyarta DQHDSOM ay wataan runtiii qudbooyin aad u
cajaaib badnaa, oo meeshaas dadkii joogay kiciyay
dhiigooda, kagana marqaati kaceen in dhibka ay sheegaan
dhalinyartaan ayaga is agaasimay ee ururka DQHDSOM in ay
yihiin waxyaabo jira kagana baahan bulshada soomaaliyeed
waxqabad degdeg ah.
Waxaa sidoo kale martiqaadkaan ka soo qayb galay gabayaa
ka soo jeediyay abwaantii soomaaliyeed oo lagu magacaabo
Cabdi Magan. Sido kale waxeey casuumeen dhalinyarta ururka
shiikha magaalada Drammen, Shiikh Isxaaq oo asna halkaas
ka soo jeediyay muxaadaro ku saabsaneeyd qabiilka iyo
aafada weeyninka badan ee u geeystay umada soomaaliyeed .
Erayadii ugu qosolka iyo qiirada badnaa ee runtii xaflada
u bedelay mid la yaab leh ayaa waxeey ahaayeen erayadii ay
soo gudbisay afayeenka labaad ee ururka DQHDSOM Muna Cabdi
Xasan (Laba Qarax) Oo ay ka midka ahaayeen: Soomalida
waxeey ku maahmaahda tolka lagama jana-tago! Waxaanse
aniga leeyahay somalidu qabiil ma deyso, sanka dhuudhiga
niikada ma daayo, sawaxiiligu soorta ma daayo reer
Galbeedkuna kufriga ma daayaan!' Ayadoo leh:' Micnahaygu
ma ahan in aadna waligiin deyn doonina, ama soomaalida
waligee dku dhaqmeyso QABIIL maxaayeelay anagaa u taagan
in aan ka tirtirno QABIIL qalbigiina, qalbigeena iyo kan
qofkasta oo soomaali ah, inkana dhigi doona soomaali dhab
ah, oo aan sheegato aheeyn! Xaasidnimo iyo ishagrasho ku
timid sababta QABIIL iyo JAAHILNIMO mardanbe uusan eedsan
doonin dudunka QAREENKA SOOMAALIYEED insha alaah!' Intaas
kadib ayeey sharaxaad dheer ka bixisay sababta ay kaga soo
horjeedaan ururka DQHDSOM qabiilka soomaalida iyo ku
dhaqankiisa (qabyaalada), uguna arkaan wax ah dib u dhac
iyo hab dhaqankii jaahilintii hore ee islaamka ka hor.
Waxaa kale oo dhacday in xafladaan gudaheeda ay ururka
DQHDSOM kula kulmeen dhalinyaro soomaaliyeed oo aan
waligood taabanin calanka Soomaaliya oo ah xidigta shan
geeska ah iyo midibka cirka. Ururka waxeey u arkeen
mucjiso weeyn, taasna waxeey sababtay markii uu ka
hadlaayay Maamulaha gudiga ciyaaraha ee ururka DQHDSOM
waxa ay tahay wadaniyada in Maamulka websiteka soo
isgtaagtay oo tustay dhalinyarta soomaaliyeed iyo dhamaan
aqayaartii fadhiyay meesha CALANKA SOOMAALIYA, aad ayaana
loogu sabciyay, dad badane waxaa ka yaabiyay micnaha
calanka loola istaagay oo loo tusay, maalinkii oo dhane
dhalinyarta dhamaan taabashadiisa iskugu heeysteen, oo
calamada meesha yaalay dhulka ayaa loo diiday.
Ka soo qaybgalayaasha xafladaan ee u badnaa waxgaradka
magaalada iyo dhalinyarta soomaaliyeed ayaa runtii aad ula
dhacsanaa qaabka xaflada loo soo agaasimay, iyo
qudbooyinka kala duwan ee laga soo jeediyay meeshaas:
Waligeey ma arag xaflad nuucaan ah oo looga hadlayo qabiil
iyo dhibaatada uu u geeystay dalkeena hooyo 40 sano baan
soo noolaaye, hadane ay wataan dhalinyaro sidaan u da'ayar
ee ah soomaali asal ah!' hadalkaas waxaa yiri
aqoonyahan soomaaliyeed, ee asna ku nool magaalada Drammen,
asoo u hanbalyeeynaa dhalinyarta DQHDSOm, kana codsanaa
dhalinyarta soomaaliyeed meelkasta oo ay joogaan in ay ku
daysadaan, kana dhigtaan tusaale wanaagsan oo maantay
horumar degdeg ah lagu gaari karo. Iyo erayo badan oo
iskugu jiro amaan iyo wanaano oo lagu gubaabinaayay ururka,
loogana cajbsanaa agaasimka heerka sare ahaa, wada
shaqeeynta iyo somaali jaceylka ay kaga hormareen
dhalinyarta kale ee soomaaliyeeed dhalinyarta ururka
DQHDSOM.
Waxaana hubaal ah meelkasta oo ay joogaan in ay yihin dad Rabi u dhameeyay
heeybo soomaalinimo, una noqon kara tusaale soomaaliga
wanaagsan, waxeeyna diyaar u yihiin in ay xataa wada hadal
la sameeyaan kooda xumaada, oo ma jiro qof soomaali ah oo
ay faquuqi karaan, ileen waxeey aaminsanyihiin 'Fartaada
xun filiq kaagama harto'.
Ma ahan marki ugu horeeysay oo ururkaan xaflado nuucaan ah
ka qayb qaataan, ama ay soo agaasimeen ayaga. Waxeeyna
horay xafladu wacyegelin ah sidaan oo kale ugu qabteen
kagana qayb qaateen magalooyinka Oslo iyo Trondheim.
Waxaan mahad gaar ah u direeyna dhamaan dhalinyarta
soomaaliyeed ee reer Drammen, iyo gobolka Buskerud ee
dalka Norway qaas ahaan kuwii ka qayb qaatay haagaajinta
dhinaca farsamada, iyo sida ka so qaybgalayaasha looga
farxin lahaa.
Xasuusta Marxuum Axmed Nuur Jaangoow iyo laxamadiisa
Heesta Dhaxalsuge Maxamed Aadan Shamuuri MP3
Halkaan ka dhageyso Warbixinta Weriye Xasan Cadde
