Wada
hadaladii habacsanaanta hareysay ee Jabuuti ayaa markii
ugu horeysay si rasmiya ugu furmay garabyada kala
metelaya dowlada Federalka iyo Isbaheysiga dib u
xoreynta Soomaaliya kadib markii maalintii sedexaad lagu
hoowlanaa sidii loo suurtagelin lahaa.
Isbaheysiga
dib u xoreynta Soomaaliya ayaa shaaca ka qaaday inaysan
metelin xubnaha wada hadalada uga qeybgalay shirkaas
waxayna hoosta ka xariiqeen inay warcad ka soo saarayaan
xaaladaha ka dilaacay Jabuuti oo ay ku tilmaameen
shirqool siyaasadeed.
"
Wada hadalada Jabuuti waa shirqool siyaasadeed,mana
jirto cid u wakiilatay kooxaha ka qeybgalay sidaas
daraadeed go-aanka xaaladaas waxaan ka qabaneynaa shir
Jaraa'id" ayuu yiri masuul sare oo Isbaheysigaas u
hadlay.
Xubnaha
Isbaheysiga ee ka qeybgalay wada hadalada oo ka mida
garabka taabacsan labada Shariif ayaa la soo weriyay
inay xalay saxiixeen heshiis dhigayo awood qeybsiga
dowlada,waxaana xubnahii hore ee ka tirsanaa
baarlamaanka federalka loo ogolaaday kuraastii hore
looga qaaday.sida ay
Waagacusub u xaqiijiyeen ila wareedyo lagu kalsoon yahay.
"
Buuq iyo qeeyla dhaan dheer kadib waxaa si cad xubnaha
Isbaheysiga loogu sheegay awood qeybsigooda
dowlada,waxaana garabka Shariif Xasan loo saxiixay
ogolaanshaha inay dib u buuxiyaan kuraastii ay ku
lahaayeen baarlamaanka"ayuu yiri diblomaasi ku
sugan Jabuuti oo Waagacusub ugu waramay khadka
telefoonka.
Hindisaha
wada hadalka Jabuuti waxaa iska kaashaday Shariif Sheekh
Axmed iyo Shariif Xasan Sheekh Aadan oo hore ugu
saxiixay heshiis dhigayay inay dowlada la hadlaan
sharuud la'aan kana tanasulaan qodobka dhigayo in
amxaarada ka baxdo dalka Soomaaliya.
Ergayga
Qaramadda Midoobey u qaabilsan arrimaha Soomaaliya Amb
Ahmed Ould Abdalla ayaa ka shaqeeyay qorshaha wada
hadalada labada dhinac,waxaana si weyn looga dhursugayaa
qaraarka ay soo saaraan garab ka mida kooxda Casmara.
Shacabka
Soomaaliyeed %75 ka mida ayaa cambaareeyay kooxaha
metelaya Isbaheysiga ee ka qeybgalay wada
hadaladaas,waxayna ku tilmaameen kooxo dano shaqsiyadeed
fushaday.
hogaamiyaasha
dagaalka Muqaawimadda Muqdisho ayaa qaadacay ergada
Isbaheysiga ee ka qeybgalay kulanka wada
hadalada,waxaana Waagacusub la soo xiriiray madax uu ka
mid yahay Yusuf Maxamed Siyaad Indhacadde.
Shariif
Sheekh Axmed oo ku sugan Qatar lana sheegay inuu amray
wada hadalka ay ka qeybgaleen xubnaha Isbaheysiga ayaa
maalintii Jimcaha wuxuu BBC Somali ka sheegay inay
dowlada hor fariisaneyn inta ay Soomaaliya ka baxayaan
Ciidamadda gumeysiga Itoobiya.
