Cali Maxamed Siyaad (Cali
Dheere) oo ah Guddoomiyaha ganacsatada Suuqa ugu weyn
Gobalka banaadir ee Bakaaraha ayaa shaaca ka qaaday in
Dowladda Federaalka KMG Somaaliya looga baahan yahay in
lacagaha canshuuraadka nooga qaaddo Shilling Soomaali,
halka ay hada nooga qaadaan Dollarka Mareykanka.
Guddoomiyaha
ganacsatada Suuqa bakaaraha Cali Dheere ayaa sheegay
in haddii cansahuuraadka nooga qaado Shilling Soomaali
ay noqon laheyd mid kor u qaada lacagta Soomaliya, isla
markaana uu qiime sare shilinku ku yeelan lahaa , meesha
uu hadda ka dhacsan yahay.
"Madaxda Dowlada
Faderaalka KMG Waxaan ka codsanaynaa inay canshuuraadka
ay ka qaadaan ganacsiga iyo wax walba oo kasoo dagaya
Dekedda Muqdisho ay ku qaadaan Shilinka Somaaliya,
taasoo horumar ku keenaysa lacagteenna " ayuu yiri
Guddoomiyaha ganacsatada Suuqa bakaaraha Cali Maxamed
Siyaad (Cali Dheere) oo sheegay in arrintaas hare dhow
ugu soo jeediye Madaxda DFKG Somaaliya.
Mas’uuliyiin ka
tirsan DFKMG Somaaliya ayaa waxay gaashaanka ku dhufteen
dhowr jeere oo hore in ay ku qaadi doonaan canshuraadka
Dowlerka mareykan iyagoo sheegay in lugu badbaadiyo
dhibaatooyinka sicir-bararka ah loo saariyo Dowladda
FKMG Somaaliya .
Si kastaba
arintaan ayaa timid kadib markii dhawaan qeybo ka tirsan
magaalada muqdisho laga diidaye lacagaha jeexan iyo kuwo
dugaaga ah ee shaling somaaliga.
