Saraakiil ka tirsan Isbaheysiga dib u xoreynta oo
dhaqdhaqaaq ka wada gobalka Gedo.
Gedo
13
/May/2008
Waagacusub.com
Wararka ka imaanaya xarunta gobalka
Gedo ee Baardheere ayaa sheegaya inay halkaasi soo
gaareen Mas’uuliyiin ka tirsan Isbaheysiga dib u
xoreynta Soomaaliya, kuwaasoo sheegay inay halkaasi kula
dagaalami doonaan ciidamada Ethiopian-ka.
Saraakiishaan Isbaheysiga dib u xoreynta Soomaaliya ka
tirsan ee muddooyinkaan la shaacinayay inay Gedo ku
sugan yihiin ayaa goob fagaare ah kula hadlay dadweynaha
ku dhaqan Gedo, iyagoo ugu baaqay inay dagaalka dhinac
kasoo galaan isla markaana dalkooda ka xoreystaan
ciidamada Ethiopian-ka.
Lama sheegin ilaa iminka magacyada mas’uuliyiintaan
Isbaheysiga dib u xoreynta ka tirsan ee Gedo ku sugan
waayadaan, iyadoo lasoo warinayo inay wataan ciidamo
boqolaal gaaraya iyo gaadiidka dagaalka oo aad u fara
badan.
Degmada Buur-dhuubo oo ay gaareen ciidamadaan ayaa waxay
kula hadleen dadka rayidka ah ee halkaas ku dhaqan,
iyagoo u sheegay inay damacsan yihiin inay la
dagaalamaan ciidamada Ethiopia oo ku sugan Degmooyin ka
tirsan Gobolka Gedo.
Shacabka Gobolka Gedo ayaa waxay dareen xoogan ka
muujiyen dhaqdhaqaqyada ay ka wadaan Gobolka xoogagga
taabacsan Maxkamadaha, iyadoo cabsida weyn ka muujiyay
dagaallo harqiya Gobolka.
Ciidamo Ethiopian ah ayaa ku sugan degmada Luuq ee
Gobolka Gedo iyo deegaanno kale oo gobolkaas ka tirsan,
waxayna dagaallo ka dhaca ay saameyn ku yeelan karaan
dadka Gobolkaas oo ay daashadeen abaaro iyo dagaal
beeleedyo.
Si kastaba ha ahaatee, Isbaheysiga dib u xoreynta
Soomaaliya ayaa dhaqdhaqaaq xoogani ka wado gobolada ka
tirsan dalka Soomaaliya gaar ahaan Hiiraan, Banaadir,
Shabeelaaha Dhexe, Jubbada Dhexe iyo Gedo.
Daawo
Barnaamij gaara oo xiisa badan
Xasuusta Marxuum Axmed Nuur Jaangoow iyo laxamadiisa
Heesta Dhaxalsuge Maxamed Aadan Shamuuri MP3
Halkaan ka dhageyso Warbixinta Weriye Xasan Cadde
