Isbaheysiga Dib u
Xoreynta Soomaaliyeed
التحالف لإعادة تحرير الصــومــال
Alliance
for Re-Liberation of
Somalia
(A.R.S.)
Warsaxaafadeed
Markii aan la sameeynay la tashiyo dadka
Soomaaliyeed,taageerayaashooda aduunka iyo xoogaga
Muqaawida ee gudaha dalka Soomaaliya ku sugan,anagoo ah
Isbaheysiga dib u xoreynta Soomaalida ee marka la soo
gaabiyo loo yaqaan ARS,waxaan soo gudbineynaa arrimaha
hoos ku xusan.
Somalida Xoriyadeeda,xaduudaheeda gaarkaa ayaa lagu
xadgudbay ,waxaana Soomaalida ku socda xadgudubyo ka
baxsan bini-aadamnimada taasna waxaa masuuliyadeeda leh
Xukumadda Itoobiya oo Ciidamadeeda ay xasuuq ka wadaan
dhulka Soomaaliya halka Xukumadda Mareykankana ay dusha
bambooyin uga garaaceyso.
Tacadiyada gumeeysiga ka wado dalka Somaliya waxay
ujeedadiisu tahay in dadka jilbaha dhulka loogu dhigo
qasab laakiin gumeeystaha soo duulay waa xisaab xumeeyay
oo dagaalkooda way ku fashilmeen,waxaana shacabka
Soomaaliyeed ka soo dhexbaxay Wadaniyiin naftood
hurayaala oo kaga guuleeystay cadawga dalka ku sugan si
ay dalka uga saaraan.
Naftood hurayaasha Soomaaliyeed waxaa sii kordhayo
guulaha halgankooda oo dardar cusub sii gelayo maalinba
maalinta xigto iyagoo cadawga kaga guuleeystay degaano
badan oo ay kala wareegeen.
Cadawga waxay ku guuldareysteen inay Soomaalida la
heyste ka dhigaan(Dad la gumeeysto) balse nasiib daro
Cadawga dalka Soomaaliya ku soo duulay waxay hada
bilaabeen inay noogu wacaan wada hadal aan la galno waxa
loogu yeero dowlada Federalka(TFG)
Wadahadalka Cadawga noogu yeerayo waxaa dhinac socda
Itoobiyaanka oo xididada u gooynayo shacabka
Soomaaliyeed si ay dalkooda uga qabsadaan.sidoo kalana
nasiib kooxda loogu yeero dowlada federalka waxay
dhankeeda ka wadaan leynta,dilida,barakicinta shacabka
Soomaaliyeed.
Wada hadal ayaa ka furmay dhamaadkii bisha
March 2008 Nairobi kaas oo loogu gogol xaarayo sidii
lagu wada hadalsiin lahaa Kooxda
(UNPOS) ,maqaarsaarka
sheegta dowlad federaalka iyo Isbaheysiga dib u xoreynta
ee ARS qaar ka mida.laakiin nasiib daro dadkii metelayay
Isbaheysiga dib u xoreynta ayaa si qarsoodiya u saxiixay
qodoba jibinaya dastuurka Isbaheysiga u degsan,qodobkaas
oo ah,inaan Kooxda sheegata dowlada federalka lala gelin
wax wada hadala mid toosa iyo mid qarsoon,waxayna
golayaasha Isbaheysiga mar kale ku baaqeen inaan Kooxda
federalka sheegato wax wada hadala lala gelin 10 May
2008 ee Jabuuti ,balse sida la wada ogyahay hada waxaa
ka socda Jabuuti wada hadal.
Xubnaha metelaya Isbaheysiga ma heystaan wax sharciya oo
u fasaxaya inay la hadlaan Kooxda Federalka sheegata
sidaas daraadeed nooma soo qaadi karaan wax
heshiisa,waxay soo qaadanaana ma ogolaan doono,waxaana
si cad u sheegeeynaa inaysan ku hadli Karin magaca
Isbaheysiga dib u xoreynta.
Marka
la tixraaco Axdiga u degsan Isbaheysiga dib u xoreynta
waxay gudigga fulinta xaq u leeyihiin inay golaha dhexe
u soo gudbiyaan hindiseyaashooda siyaasadeed si looga
xaajooda,oo ay u helaan codka ogolaanshaha ama diidmada
sedex meelood labo dalool golaha dhexe.
Xubnaha Jabuuti u fadhiya inay la hadlaan Kooxda dowlad
ku sheega waxay ku xadgudbeen dastuurka Isbaheysiga dib
u xoreynta u degsan,waxaa kale oo hareer mareen qodobada
iyo xiriirada Caalamiga sidaas daraadeed wax alaala iyo
waxay saxiixaan dadka nuucaasa ee sheeganaya inay
metelaan Isbaheysiga waa sharci daro aanan naloo tiri
Karin maadama aysan na matalin.
Xubnaha Isbaheysiga dib u xoreynta waxay waaya aragnimo
sare u leeyihiin 15-kii shir ee Soomaalida loo qabtay
kuwaas oo dhamaantood sii fogeeyay xaalada
Soomaaliya,sababna u noqday xaaladaha naxdinta badan ee
dalka Soomaaliya hareeyay.
Isbaheysiga dib u xoreynta Soomaaliya wuxuu si cad u
xaqiijinayaan inaana sina ku hor fariisaneyn lana
hadleyn kooxda loogu yeero dowlada federalka inta ay
dalka Soomaaliya joogaan Ciidamadda gumeeysiga Itoobiya.
Isbaheysiga dib u xoreynta wuxuu beesha Caalamka si cad
ugu sheegayaa in xoogaga gobanimodoonka Soomaaliya sii
laba laabayaan halganka ay dalka uga xoreeynayaan
cadawga ku soo duulay.
Isbaheysiga dib u xoreynta Soomaaliya wuxuu hoosta ka
xariiqayaa qodobadaan:
¨Inay
si buuxda oo sharuud la’aana uga baxaan Ciidamadda
Itoobiya dalka Soomaaliya
¨Inaan
dalka Soomaaliya la keenin Ciidamo shisheeye oo aysan
dadka Soomaaliyeed raali ka ahayn
¨Kooxaha shacabka rayidka laayayna waa in si deg dega
Maxkamad loo saaro
¨Dowlada Itoobiya waa inay bixisaa magdhaw dadka
Soomaaliyeed ee ay dileen
¨Beesha Caalamka waa in sida ugu dhaqsaha badan gurmad
ula soo gaaraan dadka dhibaateysan ee ay dhibaateeyeen
gumeeysiga Itoobiya iyo kooxda ku tiirsan ee
maqaarsaarka
Asmara, Eritrea on 13th
-14th May, 2008
Halkaan ka akhriso Warsaxaafadeedka oo English
faahfaahsana
Warbixin iyo Sawiro furitaanka Wada hadalada akhriso
