Siilaanyo oo Caruurta Daarood iyo Gudubiirsi ku qasbay barashada taariikhda SNM.

16 November 2011 Waagacusub.com-Dhacdooyinka la yaabka leh ee horjoogayaasha Xukumadda Siilaanyo falayaan waxaa lagu sifeen karaa BAADIDA NINBAA KULA DAYI DAYI DAALNA KAA BADANE,IN LA HELAANI DOONI HEEYN DAA’IN EBEDKEEDA.
Waa hubaal in Xukumadda Siilaanyo ku hoowlan tahay burburinta Somaliland iyadoo shacabkana u muujinee inay baadigoobayaan Ictiraafka Somaliland.hadiise ay jiraan dad fikradeyda dhaliilsan ama mad madoow uga jira aan guda galo inaan soo bandhigo qodobo muhiima .
Somaliland waxay labaatan sano guluf ugu jirtay in Caalamka u aqoonsado Dal Madaxbanaan .
Goboladda Waqooyi ee la isku yiraa Somaliland waxaa dega qabiiladda Isaaq,Samaroon,Warsangeli Daarood,Dhulbahante,Faqashini Hawiye,Tumaal,Gabooyo,Akiisho iyo qabiilo badan oo Somalia.
Xukumadda Siilaanyo waxay soo rogtay amar la xiriira in Iskoolaadka Somaliland lagu dhigo taariikhda Jabhadii SNM ee dagaalka la gashay Xukumadii Maxamed Siyaad Barre laakiin marka si toosa loo abaara ahayd jabhad Isaaq.
Ma tahay Suurtagal in taariikhda Jabhadda SNM loo dhigo Caruurta Samaroon,Dhulbahante iyo Warsengeli ee ay aabayaashood,awoowayaashood dileen ama xitaa kuwa Isaaqa u dhashay ee Aabayooshood loo dilay inay ka tirsanaayeen Kacaankii 21-ka.
Hadii aan si kooban uga Jawaabo ,waxay Xukumadda Siilaanyo ku hoowlan tahay dib u soo celinta Aanooyinkii qabiil ee lagu heshiiyay in la iska iloobo 1991.
Xukumadda Siilaanyo waxay ruclo ugu jirtaa inay Somaliland-tii weyneed ka dhigto mid ku soo aruurto goboladda dhexe ee beesha Isaaq degto.tani waxaa tusaale kuugu filan lixaadsiga AWDAL STATE iyo SSC.
Waa sheeko baraleey laga leeyahay dano gaara in Iskoolka Laascaano,Borama iyo Ceerigaabo laga dhigo taariikhda SNM waxayna la mid tahay in Hawiye yiraahdo,waa in Caruurta Daarood la baro taariikhda Jabhadii USC.
Sinaba suurtagal maaha in Iskoolaadka Goboladda Gedo iyo Garbahaareey laga dhigo taariikhda USC iyo SSDF,waxaana la mida riyo maalmeedka oranaya Laascaano iyo Borama ayaa laga dhigayaa taariikhda SNM.
Inta aan guda gelin qodobo ka mida kuwa Xukumadda Siilaanyo ku abuuree xiisadaha qabiil aan marka hore isweeydiiyo ujeedada laga leeyahay arrinka ku saabsan in taariikhda SNM laga dhigo Iskuuladda Somaliland.
A- Xukumadda Siilaanyo ma waxay dooneysaa inay qaado duulaano aargoosi qabiila,oo waxay dooneysaa inay ka aargoosato qabiilka Daaroodka gaar ahaan Hartiga Dhulbahante iyo Majeerteen maadama Xukumadii Siyaad Barre hogaaminayay xasuuqday dad u dhashay Isaaqa?
B- Xukumadda Siilaanyo ma waxay dooneysaa inay qabsatay dhulka la isku yiraa boqortooyadda ADAL oo qabiilka Gudubiirsiga ka tirtirto maadama SNM weerartay 1991 xilligaas oo ka adkaan waayeen kadibna lagu heshiiyay wada dhisashada SOMALILAND.
C- Xukumadda Siilaanyo ma waxay qandaraas ku qabtaa inay burburiso Somaliland si goboladda Sool,Sanaag,Ceyn,Awdal iyo Salal uga abuurmaan maamul goboleedyo.
D- Ma dhici kartaa in Hogaamiyeyaasha dhaqanka,siyaasadda iyo dhaqaalaha beesha Isaaq ka warqabin arrimaha socda oo dhan balse qorshaha uu yahay mid ay daaha gadaashiisa ka abaabulayaan Horjoogayaal ka tirsan Al-Shabaab kuwaas oo xalka ay ku qabsan karaan Somaliland u arko inay qabiilada isku dhiftaan.
Arrimahaan oo dhan waa suurtagal laakiin Xeeldheerayaasha waxay la yaaban yihiin aamusnaanta Shacabka Somaliland ee Indhaha ka eeganaya burburinta wixii ay labaatan sano ku tacab iyo tigaad beelayeen.
Hadii Xukumadda Siilaanyo ka run tahay karaameeynta dagaalyahanadii SNM iyo Taariikhdooda maxay Agoontooda uga saareen guryahii ay ku noolaayeen Hargeysa,qaarkoodna rasaasta ula dhaceen?maxayse wax ugu qaban waayeen NAAFADDA SNM ee Kumanaanka gaajada la liita.
In Xukumadda Siilaanyo beesha Isaaq u abuuree tiitiin iyo Colaad qabiil waxaa cadeeyn kuugu filan xarigii Borama lagu xiray labadii Xildhibaan ee Gudubiirsi Cabdoow Shoodhe iyo Sitiin Xuseen .
Cabdoow Shoodhe iyo Sitiin Xuseen waxaa loo masaafurshay Muqdisho halka Siyaasiyiinta aaminsan qadiyadda Somaliweyn ee u dhashay Isaaq sida Sifir,Kaluun iyo Jaamac Yare Ubax lagu soo dhaweeyay Madaaradda Berbera iyo Hargeysa.
Xukumadda Siilaanyo ka hor kama dhicin Somaliland Cadaalad daro gaarsiisan heerka laga maagay.
Xukumadda Siilaanyo ka hor Somaliland kama dhicin in Kunturaadii oo dhan gacanta loo gelsho hal reer.
Xukumadda Siilaanyo ka hor kama dhicin dunida in Ganacsigii dalka oo dhan Taraq,Sigaar,Xawaalad,Isgaarsiin,Warshado,qodista Macdanta iyo Batroolka,Ganacsi guud (Shati shaqo) leesin lagu siiyo hal ganacsade.
Hadii Ganacsade kaliya leesin (Shati) lagu siiyo dabaqada ugu hooseeyso ganacsiga ilaa tan ugu sareeyso sidee shacabka u heli karaan nolol? Maxay tahay awooda Xukumadda mar hadii hal ganacsade dhaqaalaha iyo ganacsiga ka yahay masuul.
Si kastaba ha ahaatee,Xukumadda Siilaanyo ka hor Somaliland kama dhicin gabood falka,caburinta iyo tacadiyada lagu hayo danyarta reer Somaliland iyo Saxaafadda madaxabanaan.
Miir la’aanta Xukumadda Siilaanyo iyo aamusnaanta Shacabka Somaliland.

La soco Qormo ku saabsan Balanqaadyadii beenoobay iyo Dhaqaalahii Dekadda Berbera ee balanqaadku ahaa in lagu daro Miisaaniyada maanta halka lagu shubo.

By Dahir Alasow

Daawo Video Dagaalka Muqdisho= Meydadka Al-Shabaab iyo Amisom

Dhageyso Barnaamij gaara Gabayo+Khudbado+Heeso Wadaniya

Online inta akhrisanee

--
Dahir Alasow, A senior Radio and TV journalist, a leader of a press watchdog ASOJ, the editor of waagacusub.com, and outstanding commentator with fearless check on actions of the political groups and others players through investigative journalism, plus defender of the public interest and voice to the voiceless through "the truthful tip of his truth pen"
"Tribalism provides NO shelter; it ONLY causes destruction."
"Dugsi Male Qabyaaladi Waxay Dumiso
Mooyaane" Cabdullaahi Suldaan Timacadde

http://www.dahiralasow.com
Tel: +31684863567
dahiralasow@asoj.org
dahir.alasow@mareeg.com
dahir.alasaw@raadtv.com
dahiralasow@waagacusub.com
www.waagacusub.com
www.asoj.org

By Dahir Alasow

Waagacusub is Investigative media with sense of professionalism, fearless in cultivating the truth, informative, unbiased, independent, educative, a role model and a voice to the voiceless.
By Dahir Alasow
+31684863567
Dahir.alasow@asoj.org

Hees Dhiigshiil ha dhigan Download here MP3