Sheeko Xiiso leh oo dhexmartay Madaxweyne Siilaanyo iyo Calanka Somaliland

16 December 2011 Waagacusub.com-Sheeko xiisa leh oo dhex martey Madaxweyne Axmed Maxamed Maxamuud (Silaanyo) iyo Calanka Somaliland.

Silaanyo:” Calankan maalintii ishaydu waxay ku dhacdaa boqolaal jeer markaan isku kaliyeysano waxa nadhex mara sheekooyin dheer waana tan ee kusoo dhawaada”.

Silaanyo: Horta calanyahow beerkaygaad ku taala hadh iyo habeena kaama seexdo .. Intaa waxaa ii dheer inaan labadeenu inta badan isku kaliyeysano . Hadaba su’aalo dhawra ayaan maanta kuu hayaa inaad iiga jawaabtid ee diyaar saw ma tihid?
Calanka Somaliland: Ha hortaabay isoo mareen su’aalo badani waxaan hubaa inaanan ku daahaynin jawaab u helida su’aalaha aad hayso ee Mudane madaxweyne soo daa su’aalaha.
Silaanyo: Horta calanyahow harta aqoonsi la’aanta maxaa kuugu wacan? Ma Adigaa waji adag mise waxkale ayaa jira bal horta Eebaheen ayaan kugu dhaarshee si daacad ah oo tolnimo ku jirto iigu waran?
Calanka: Mudane Madaxweyne wali su’aashan oo kale ima soo marin ?!! Allaha u naxariistee Cabdiraxman Tuur wuxuu i weydiin jirey hadmaa lagu aqoonsan doonaa? Aniguna waxaan ugu jawaabi jirey waxa la i aqoonsan doonaa goorta cadaaladu si taam ah u gaadho Somaliland ee aan cidna laga duudsiyin xaqeeda iyo xuquuqdeeda? Iyadoon taasi dhicin ayuu madaxtinimadii ka tagey … Madaxweyne Maxamed Xaaji Ibrahim Cigaal wuxuu i weydiiyey : Calanyahow maxaad ka qabtaa hadii aan Somaliweyn ku biirno ? Aniguna waxaan ugu Jawaabi jirey : Hadii Nabadi ka dhalan lahayd Soomaaliya si daacad ahna loo wada hadli lahaa waxba kama qabeen : Iyadoon Nabadi ka dhalan Soomaaliya ayuu isaguna xijaabtey.
Madaxweyne Dahir Rayale Kaahin ayaanu isku kaliyeysanay mudo dheer… Rayale su’aalaha ugu weyn ee uu iweydiin jiray waxay ahaayeen Calanyahow dadka maxaa ugu wacan qabyaalada iyo naca ay reerkayga Samaroon ku hayaan? Waxaan ugu jawaabi jiray qabyaaladu maaha mid reerkiina oo kaliya lagu hayo ee reerka Isaaq Soomaali oo dhan gaar buu iskaga yar riixaa .. Markaa madaxweyne la qabso duruufaha.
Su’aasha labaad ee iigu adkayd ee Rayale i weydiiyey waxay ahayd (Calanyahaw hadii aan madaxtinimada ka tago Somaliland maxay ku danbayn ayaad u malayn? Waxaan taana ugu jawaabay laba midbay noqon
1) Hadii nin xanaaqsani wadanka qabsado waxa badan tuhunka iyo qabyaalada halkaasna waxa ka dhalan doona kooxo xagjir ahi inay ku dhawaaqaan ismaamul goboleedyo iyo Jabhado taasina way dhacday oo waxa kaaga markhaati ah Awdal State iyo SSC. iyo waliba hadii….
Siilaanyo: jooji hadalka intaa ha dhaafin !! Awdal State kuye dhegtaba kama maqli karo !!
Silaanyo: Calanyahaw wali iigamaad jawaabin Su’aashii aan ku weydiiyey ee bad kale ayaad ila gashay xataa anigii ayaad igu dhaga hadlaysaa maxaa kaa si ah caawa ??
Calanka: Mudane Madaxweyne ceebkale ma jirto ee waxay iga tahay sheekaba sheeko ayey keentaa ee raali ahaw.. Hadii aan hada ka jawaabo suaashaadii ahayd : Aqoonsi la’aanta maxaa kuugu wacan? Horta aqoonsiga calanku ma keeno ee siyaasada arimaha dibada kolba dawlada jirtaayi samayso ayuu ku xidhan yahay aqoonsigu.
Silaanyo: Taa gartey .. Waxkale oo aad ku dari karto ma jiraan?
Calanka: Haa Mudane Madaxweyne adiga oo iga raali ah, nin waayeela ayaad tahee cimrigaaga intaad jirtey ma aragtey xidig madaw??

Silaanyo: Maya.. Maya xashaa .. Dayax madoobaad waan maqlay waanan arkay lakiin waligay xidigo cadcad mooyaane xidig madaw waa ii hadalkaagaa !!
Calanka : Hadaba aniga maxaad laabta iigu sudheen xidigta madaw ??
Silaanyo: Waar calan yaable ayaad tahay oo kaaalay ilayn calan dadkii lahaayi dilay ayaad ahayd.. Xidigta madaw cidiba isma weydiin inay tahay astaanta kooxda Alshabaab .. hayaaay !! Hayaay!! hadaan ogaanay halka lagaa haysto. Waa inaan wasiiradayda iyo golaha xeerdejinta iskugu yeedho oo si dhakhsiyo ah lagaaga bedelaa xidigtaa madaw ee inala hadhay!!
Calanka oo dhoola cadaynaya ayaa yidhi : Mahadsanid Mudane Madaxweyne intaas ayey dadkani 20 sano garan la’aayeen cimrigaa ha jiro mudane madaxweyne xidigta si dhakhsiyo leh iiga bedel .
Silaanyo: Haday igu kacayaan oo odhan doonaan Somaliweyn ayuu noo wadaa wakaas oo calankiina inuu bedelo ayuu doonayaa markaa sideen waxyeelaa?
Calanka: Mudane Madaxweyne tali,adigay ku joogtaa anigu ka calan ahaan halkii aan 20 sano yuuraray ayuunbaan fadhiyaa cago aan ku socdana ma lihi adigaa ii cago iyo indhaa.
Intaa markay is dhaafsadeen albaabka xafiiska madaxweynaha waxa soo garaacay Madaxweyne kuxigeenka Somaliland Mudane Cabdiraxman Saylici..
Saylici: Asalamu Calaykum madaxweyne
Silaanyo: haye adeer waan soo socdaa ee sug .. Markuu Albaabka ka baxay Saylici ayuu Silaanyo yidhi “Gaw timirtii horeba dab loo waa …!! Anagii bay naga cakiran tahoo wiil yar oo aanan luqadiisaba la fahmayni doonayaa inuu nagala sheekaysto siyaasad.. Waar ilayn Raamoole kama dhamaado madaxtooyada kkkkk
Lasoco sheekada qaybaheeda kale

Xigasho: Saylac.com

Daawo Video Dagaalka Muqdisho= Meydadka Al-Shabaab iyo Amisom

Dhageyso Barnaamij gaara Gabayo+Khudbado+Heeso Wadaniya

Online inta akhrisanee

--
Dahir Alasow, A senior Radio and TV journalist, a leader of a press watchdog ASOJ, the editor of waagacusub.com, and outstanding commentator with fearless check on actions of the political groups and others players through investigative journalism, plus defender of the public interest and voice to the voiceless through "the truthful tip of his truth pen"
"Tribalism provides NO shelter; it ONLY causes destruction."
"Dugsi Male Qabyaaladi Waxay Dumiso
Mooyaane" Cabdullaahi Suldaan Timacadde

http://www.dahiralasow.com
Tel: +31684863567
dahiralasow@asoj.org
dahir.alasow@mareeg.com
dahir.alasaw@raadtv.com
dahiralasow@waagacusub.com
www.waagacusub.com
www.asoj.org

By Dahir Alasow

Waagacusub is Investigative media with sense of professionalism, fearless in cultivating the truth, informative, unbiased, independent, educative, a role model and a voice to the voiceless.
By Dahir Alasow
+31684863567
Dahir.alasow@asoj.org

Hees Dhiigshiil ha dhigan Download here MP3