Mashqac geliye iyo Madaxweyne Siilaanyo maxaa kala qabsaday

26 December 2011 Waagacusub.com- Su’aal: Mudane Ex-Siilaanyo, maalintii dhawayd ee aad koobka kubadda cagta siineysay gobolka Maroodi Jeex ee ku guuleystay tartanka ciyaaraha goboladda ee dhawaan lagu soo gabo-gabeeyay xarunta magaalada madaxda gobolka togdheer ee Burco waxa kaa muuqatay niyad iyo weji xumo aad u weyn, taas oo dadweynaha intii goob jooga ahayd iyo intii kaa daawaday shaashadahubu ay u arkeen in aad malaha la jeclayd in uu gobolka togdheer noqdo horyaalka kubadda cagta ee goboladda dalka. Maxaa ka jira ayaad isleedahay tuhunkaasi iyo eedahaasi?

Jawaab: Horta marka hore waxa aan ku leeyahay Mashqac-geliyow Merry Christmas maadaama ay maanta tahay maalintii ciida dadka masiixiyiinta ah ee aad ka mid tahay.

Mashqac…Shariif Axmed waxbaa kaa qaldan ee anigu ma ihi masiixi…Shariif Axmed miyaanad ahayn Mashqacgeliye Mike Mahiga…Mashqac maya…maya ee waxa aan ahay Mashqacgeliye Mudac Mindi…Jesus Chris!...waar hadaa raali iga ahow waxbaan isku qalday eh…Cukuse ayaa i waalay adeer ee raalli iga ahow. Jawaabta su’aashaada hadii aan u soo noqdo waxa aan ka xumaaday cadaalad xumadda wasaaradda iyo guddida ciyaaraha…guddida komishanka doorashooyinka qarankana ku dhahoo weligay ma arag guddi ka cadaalada xun…ma waxaad aragtay ciyaartowgii gobolka Maroodi Jeex oo seddex gobol isku feeraariyay …waa Hawd, Gabilay iyo M/Jeex oo haddana laga aamusay…Ma Burco oo loogu heesi jiray#Burcadii Bilneydey…geesiyaal aan Baqan iyo Baraakaha lahaydey yaan lagaa Badin…hey…hey yaan lagaa Badin#ayaa gobolka Hawd afar gool ku dhalin lahaa…cimrigaaga oo dheeraaday geel dhalaayana waa ku tusaa Mashqacow!!!. Cago Damdamle Duur Xaar Ku Joogsaday ayaan ku sigtay in aan mar ku idhaahdo seddexdaas gobol iyo gudidaba waxa aad ku soo xidhaa buurtii Calaacule ka denbeysay ee aad Jikaarkii Suldaanka isku cumaamaday ku soo xidhay…hadana waan is ladqabeeyay oo waxa aan is idhi Koobkii Tartanka Madaxweyninimada ee dalka ayaa gobolku seddex jeer ku guuleystay ee koobka ciyaaraha waa lacib saqiir eh iska hanee waa kan.koobkii doorashada madaxweyninmada (2015) idinku soo dhaw yahay eh.
S: Shariif Axmedow arrinku wuu ‘Jesus Christ’ dhaaftay!!!waa markii ugu horeysay ee taariikhda gobolka togdheer soo marto in ciyaartowgii gobolka u kala qeybsameen beelo iyo reero…taas oo gaadhay in si gaar gaar ah oo gooni gooni ay kooxdii u qaataan tababarkii la siinaayay…foolxumadaasi abid soo marta gobolka waxa loo nisbeynayaa xukuumadaada oo meel kasta gelisay qabyaalad iyo cunfi …Ceebtaas iyo taariikhdaas madow oo gobolka ku dhacday ayaa Wasiirkaagii Daakhiliguna ku khudbadeeyay waa markii ugu horeysay ee ciyaaraha goboladdu sidaasi u quruxda badan u dhacaan. Haddaba, miyaan la odhan karin qaybyaaladaas lagu dhex tuuray gobolka ee gayeysiiyay guul daradda waxa ka mas’uul ka ah xukuumadaada?
J:Adeer Mashqacow eed jeclidaa…waxa gobolka ku dhacay waxa loo heystaa Faarax Xadhigle, Maxamed Xuseen, Xildhibaan Cali Dajuuma, Xildhibaan Saado, Xildhibaan Xiiqsane Nacnac oo isagu ahaa ninkii gobolka u sixray Hawd si ay uga badiyaan. Waxa aan u magacaabay guddi arrintaasi soo baadha oo warbixin ka keenta inta ka horeysa ciyaaraha goboladda ee soo socda. Wasiir Duurna waxa ku dhacay cudurkii ahaa WAA MARKII UGU HOREYSAY oo waxa qaadsiiyay Wasiirka Khaarajiga, inkasta oo Duur uu yahay Xil-ku- Somaliland oo aanu markii horeba aaminsanayn wax la yidhaahdo Somaliland…laakiin waxa aan ku heystaa Waa Wadaad Nabadsugid ah oo si fiican reerka xanta uga keena iyo wasiirada Beeshiisa…ahahaa…ahaa…arrintaasi cid ha u sheegin…lakiin waa iska macruuf oo Ina Rayaaleba wax sheeg sheega ayuu ku nacay oo albaabka uga xidhay ayaa la yidhi…inkasta oo hungurina jiray.
S: Axmed Guddi waxa la isla dhexmarayaa in aad xisbigii Kulmiye uga digo rogatay xisbiga Udub. Taas waxa loo daliilshanayaa mas’uuliyiinta xukuumadii Udub ee hore oo aad xilalkii ku soo celisay qaarkood adiga oo weliba sida la sheegay ku talo jiro in aad mas’uuliyiin badan oo kale oo Udub ah aad u soo magacaabi doonto xilal mustaqbalka dhow. Ma laga yaabaa in aad marka denbe aad xilkaaga ugu yeedho madaxweynii hore ee Daahir Rayaale ?
J: Adeer isku bax…waxaagu waa habaar eh…maxaan u yeedhaa ma aniga ayaa weli guday deyntii doorashadda…dadkii ii ololeeyayna weli dhergay…ilaa aan maqlo iyada oo gobolada qaar laga qaadaayo #Badhbadhaadhnay haraadkii naga bax…badhbadhaadhnay gaajadi na deysay# markaas ayaan ka degi doonaa ama cid ugu yeedhi doonaa…mas’uuliyiinta xilkooda gudan waayay ayaan Udub ku bedalay eh annigu xilkaygii waan ka soo baxay…wixii aan qabtay oo faah-faahsana kala xidhiidha Marwadda Koobaad ama ka doonta HCTV wareysigii ay ku qaadeen Marwada, illaahay iyo malaa’iigtuba raali ka noqdeene, markii aanu joognay London…waa markii ugu horeysay ee adduunka ay marwada kowaad ka hadasho waxqabadka xukuumadda…eesh calaa wareysi ayuu ahaa.
S: Axmed Eesh Calaa, waxa aad ka warantaa golahaagii wasiiradu ma waxa uu noqday golaha bileydheyska. Adiga oo goob joog ahaa ayaa haddana shirkii khamiista waxa isu tiriyay Wasiirkii Qabyaalad Soo Dhacday (Macdanta) iyo Keligii Saxane Xaashi Cilmi oo islahaa kanlay…keerlay…tuuga…iwm. Taasi waxa ay keentay in wasiirkii ugu cuslaa Golahaaga Bileydheyska iyo Tarisaada mudane Xoolo aan Xero ugu jirin Xisaabsade uu yidhaahdo waan is-casilayaa. Maxaa kaaga meel yaala in foolxumadii Khamiistii dhaweyd dhacday aanay mar kale ka dhicin golahaaga?
J: Adeer horta golahayga wasiiradda waxa aan ku aqaanay qaarkood in tarisaan, isku tarisaan, kala tarisaan, wada tarisaan…waxa aan ogahay in qaarkood marka ay hawlaha qaranka u baxaan ee ay tagaan dalalka jaarka ah in ay hadh iyo habeen ku qaadaan #Shafka Kaalay igu Qabo…Hablaha Waa lala Qoslaa Miyaa Lugu Qeyliyaa…Heer Tumasho iyo Raaxo# oo ay hawlihii qaranka ee loo diray ay halkaasi ku daayacaan…waxaas oo dhan waan ugu dul qaadan jiray oo waxa aan isku qancinay aniga iyo Cukuse in madaxi tahay kuwii Tunta ee Balwad leh…balse bileydheys dumarkan marnaba kama filaynin…mana u dul qaadanaayo Kufurtu Bilaahay oo Ciida Burco Midh Midh loo Qaadaa…arrinka khamiistii dhacayna gari allay taqaanaaye waxa denbiga iska lahaa Maansoor Walaalkii oo illaahay dadkii oo dhan uga wada dhigay ama ay ula eekoonaadeen Cawil Cali Ducaale ka dibna uu dagaal ku bilaabayo...wax badan ayuu dad tuug ku sheegay eh walee isaga ayay iminka fartu ku godan tahay…waxa aan ka baqayaa in loo bixiyo ‘Sariiro Cunno’…Is-casilaada la sheegaayana isaga ayaa Suuqa Gashaday si uu ciiro ugu qariyo waxa uu sameeyay…markii aan isidhi warqad u qor Duco Qabadii Rayaale oo kale ahna Dumar ayaa ku Guntaday oo ku ‘Rag Furay’ bal in aan maanta uun daayo.
S: Shariif Tarisaad Fasaxe, maxaa ka jira xanta suuqa ku jirta ee ah in adiga iyo xukuumadaadii aad u tafo xeydan tihiin sidii Ururka Ummad ee Dr Gaboose aanu u soo bixi lahayn. Waxa suuqa ku jirta in Ururkii habeen hore laga dhawaaqay Kaah ee Badbaado iyo kii shalay laga dhawaaqay Ambassador ee Horyaal ay labadaba ka denbeyso xukuumadaadu si dhabarka looga jabiyo Dr Gaboose. Maxaa uu galabsaday ee sidaas loogu gelayaa Dr Gaboosihii Aabbo…aabo…hadh iyo habeen ku lahaa?
J: Waxa aan kuu sheegayaa Mashqacow in Dr. Gaboose isaga waxaas suuqa gashaday markii uu cidba waayay. Waxa markhaati kuugu filan in dad la’aani heyso…bal eeg Mashqacow dadka uu wato ee kala ah…Bur-yare, Ganbo-yare, Cunto-yare, Caqli-yare, Ciidan-yare, Calool-yare, Waxtar-yare…waa wada ilma yare oo dhan dadka uu wataa…Ninkii reer Boorame ee ururkana magaciisa lahaa doorshadii 2002 waxa la odhan jiray ‘Ummad Nin Kalyaale’…ururka Gaboosena waxa la odhan doonaa ‘Ummad Dadyare’...Magaceygu waa Axmed Abaal-laawe, isagu berigii waxa uu ii balan qaaday in uu kursiga igu fadhiisin doono…anna waxa aan u balanqaadayaa in aan ururkiisa rido…ka dibna Somalilandba uu ka haajiro…anna aan gabey dhiig sameeyo aan ka bilaabaayo “Ka Huleel Somaliland Gaboosihii Hoboleyn Jirey eh".

Daawo Video Dagaalka Muqdisho= Meydadka Al-Shabaab iyo Amisom

Dhageyso Barnaamij gaara Gabayo+Khudbado+Heeso Wadaniya

Online inta akhrisanee

--
Dahir Alasow, A senior Radio and TV journalist, a leader of a press watchdog ASOJ, the editor of waagacusub.com, and outstanding commentator with fearless check on actions of the political groups and others players through investigative journalism, plus defender of the public interest and voice to the voiceless through "the truthful tip of his truth pen"
"Tribalism provides NO shelter; it ONLY causes destruction."
"Dugsi Male Qabyaaladi Waxay Dumiso
Mooyaane" Cabdullaahi Suldaan Timacadde

http://www.dahiralasow.com
Tel: +31684863567
dahiralasow@asoj.org
dahir.alasow@mareeg.com
dahir.alasaw@raadtv.com
dahiralasow@waagacusub.com
www.waagacusub.com
www.asoj.org

By Dahir Alasow

Waagacusub is Investigative media with sense of professionalism, fearless in cultivating the truth, informative, unbiased, independent, educative, a role model and a voice to the voiceless.
By Dahir Alasow
+31684863567
Dahir.alasow@asoj.org

Hees Dhiigshiil ha dhigan Download here MP3