Topnews:- Geelaha Jibouti iyo Siilaanyo oo qeybsanaya dhulka Samaroonka.

28 November 2011 Waagacusub.com-Madaxweynaha Jibouti Ismaaciil Cumar Geelle iyo Madaxweynaha Somaliland Axmed Siilaanyo ayaa markii ugu horeeysay la xaqiijiyay inay kala saxiixdeen heshiis lagu qeexay hab qeybsiga cusub ee gobolka Salal oo ka mida dhulka beesha Samaroon .

Heshiiska labada dhinac kadib waxaa telefishinka Jibouti ka soo muuqday Wasiiradda Macdanta iyo Biyaha Somaliland iyo Jibouti kuwaas oo ka shaaciyay in labada maamul heshiisyo muhiima kala saxiixdeen.

Qodobadda Ismaaciil Cumar Geelle ka saxiixay Madaxweyne Siilaanyo waxaa ka mida in degaanka Dooxa Bariisle laga qodo Ceelal ay ka biyaha ka cabaan Shacabka Jibouti.
Heshiiska wuxuu dhigayaa in Jamhuuriyadda Jibouti biyaha macaan ka qaadan doonto Dooxa Bariisle oo u dhaxeeya Toqashi iyo Loowya Cadde.
Lowya Cadde iyo Toqashi waxay ka tirsan yihiin gobolka Salal ee Beesha Samaroon degto waloow dhinaca xeebta ay la degaan beesha Ciisaha ee Madaxweyne Geelle ka dhashay.
Shirkad Faransiisa oo lagu magacaabo ALS ayaa degaanka ABASA waxay ka baari doontaa Macdan iyo dhagxaan Dahaba,sidaana waxaa dhigaya Heshiiska cusub ee Jibouti iyo Somaliland.
ABASA Waxaa ku taal Xabaal ma guuraan (ANSAARU KHADIIM) waxaana ku jira taariikhahii Axmed Gureey iyo Boqortooyadii ADAL.
ABASA waxay u dhaxeysaa Boon iyo Garba dadar.Waxay ka tirsan tahay gobolka Salal waxayna hore uga tirsanaan jirtay gobolka Awdal.
Shirkadda Faransiiska waxay sidoo kale Macdan iyo Gaas ka baari doontaa degaanka Ceelgaal.
Qabiilka Samaroonka (Gudubiirsi) waxay ahaayeen qabiilka 1-aad ee dalka Jibouti hasse yeeshee markii uu Madaxweynaha ka noqday Xasan Guuleed Abtidoon waxaa meesha ka baxay awoodoodii Jibouti iyagoo maanta noqday qabiilka 3-aad ee awood qeybsiga Jibouti.
Madaxweyne Geelle ayey dad u dhashay qabiilka Samaroonka ku eedeeyeen inuu Caasimadda Gobolka Salal ee Saylac ku beeraa dad u dhashay Ciisaha si ay awood ugu yeeshaan.
Ugaaska Beesha Ciisaha ayaa taariikhda markii ugu horeeysay lagu caleema saaray Magaaladda Saylac taas oo Gudubiirsiga ku noqotay filan waa.
Degaanada Gudubiirsiga degaan ee SALAL IYO AWDAL waxay ka mid yihiin degaanadda ugu dihan goboladda Somalia,waxaana la sheegaa in gobolada labaad yihiin Bay iyo Bakool.
Heshiiska Cumar Geelle iyo Axmed Siilaanyo waxay Xeeldheerayaasha ku sifeeyeen mid lagu qeybsaday dhulka Samaroonka maadama Isaaqa iyo Ciisaha ka madax yihiin Jibouti iyo Somaliland.
Samaroonka waxaa lagu tilmaamaa qabiil Ilbaxa oo halgankii Somalia horkacayay,waxaana xusid mudan inay leeyihiin lahjad u gaara oo la yiraa Cabdi Raxmaaniya.
Inkastoo Marwadda Ismaaciil Cumar Geelle u dhalatay Isaaq hadana Madaxweyne Geelle ayaa la sheegaa inuu jecleen hasse yeeshee soo dhaweeyntiisa cusub ee Madaxweyne Siilaanyo uu rooga cas ugu dhigay ayaa la sheegay inuu uga gol leeyahay sidii loogu saxiixi lahaa heshiiska cusub.
Madaxweyne Geelle wuxuu ka mid yahay shaqsiyaadka labaatan sano ka soo horjeeday in Somaliland loo aqoonsado dowlad madaxbanaan,waxaana waxyaabaha uu ku diidan yahay ka mida walaac uu ka qabo dekadda Berbera maadama dhaqaalaha dalka Jibouti yahay mid ku tiirsan dekadooda oo dalka Ethiopia ay isticmaalaan.
Si kastaba ha ahaatee,waxay Xeeldheerayaashu leeyihiin LABADII XAQDARO KU HESHIISO ,XAQA AYEY KU DAGAALAAN.

Daawo Video Dagaalka Muqdisho= Meydadka Al-Shabaab iyo Amisom

Dhageyso Barnaamij gaara Gabayo+Khudbado+Heeso Wadaniya

Online inta akhrisanee

--
Dahir Alasow, A senior Radio and TV journalist, a leader of a press watchdog ASOJ, the editor of waagacusub.com, and outstanding commentator with fearless check on actions of the political groups and others players through investigative journalism, plus defender of the public interest and voice to the voiceless through "the truthful tip of his truth pen"
"Tribalism provides NO shelter; it ONLY causes destruction."
"Dugsi Male Qabyaaladi Waxay Dumiso
Mooyaane" Cabdullaahi Suldaan Timacadde

http://www.dahiralasow.com
Tel: +31684863567
dahiralasow@asoj.org
dahir.alasow@mareeg.com
dahir.alasaw@raadtv.com
dahiralasow@waagacusub.com
www.waagacusub.com
www.asoj.org

By Dahir Alasow

Waagacusub is Investigative media with sense of professionalism, fearless in cultivating the truth, informative, unbiased, independent, educative, a role model and a voice to the voiceless.
By Dahir Alasow
+31684863567
Dahir.alasow@asoj.org

Hees Dhiigshiil ha dhigan Download here MP3