Golayaasha
Isbaheysiga dib u xoreynta Soomaaliya oo 48-kii saac ee
la soo dhaafay ku mashquulsanaa go-aan ka gaarista
xubnaha ka tirsan ee ka qeybgalaya wada hadalada Jabuuti
ayaa markii ugu horeysay la soo weriyay inay saqdii
dhexe ee xalayto isla saxiixeen Warsaxaafadeed dheer oo
ay ku cadeeynayaan moowqifkooda siyaasadeed.
Warsaxaafadeedka
ay Isbaheysiga
dib u Xoreynta ka soo saarayaan Casmara ayaa la soo
weriyay inay ku cadeeyeen in xubnaha ka jooga Jabuuti
aysan metelin,ayna jibiyeen dastuurka u degsan oo qodob
ka mida dhigayo inaan dowlada federalka wada hadal lala
geli Karin inta ay dalka joogaan gumeysiga Itoobiya
Sida
ila xog ogaala u sheegeen Waagacusub ,qodobada
Warsaxaafadeedka Casmara waxaa ay soo saarayaan ayaa ka
kooban shan qodob oo kala ah:-
¨
Inay
si buuxda oo sharuud la’aana uga baxaan Ciidamadda
Itoobiya dalka Soomaaliya
¨
Inaan
dalka Soomaaliya la keenin Ciidamo shisheeye oo aysan
dadka Soomaaliyeed raali ka ahayn
¨
Kooxaha
shacabka rayidka laayayna waa in si deg dega Maxkamad
loo saaro
¨
Dowlada
Itoobiya waa inay bixisaa magdhaw dadka Soomaaliyeed ee
ay dileen
Beesha Caalamka waa in sida ugu dhaqsaha badan
gurmad ula soo gaaraan dadka
dhibaateysan ee ay dhibaateeyeen gumeeysiga
Itoobiya iyo kooxda ku tiirsan ee maqaarsaarka Federalka
sheegta.
Isbaheysiga
dib u xoreynta Soomaaliya oo Warsaxaafadeedkooda la
sheegay inay faafin doonaan Maanta waxay ku sheegeen in
Wadaniyiinta naftood hurayaasha Soomaaliyeed guulo
waaweyn ka gaareen dagaaladii ay la galeen
Itoobiyaanka,waxayna dhinaca kale xusen in cadawga
Soomaaliya ay arrintaas darteed Isbaheysiga ugu
yeerayaan wada hadalo ay la galaan dowlada Federalka.
“
Warsaxaafadeedka waxaan ku muujinay qiyaanada Qaramadda
Midoobay taas oo leh isugu imaada wada hadal xilli dalka
ay Ciidamadda Itoobiya ka wadaan gumeeysi”ayuu yiri
masuul ka tirsan Isbaheysiga Casmara oo u waramay
Waagacusub.
Wararka
la helayo waxay tibaaxayaan inay shir Jaraa’id wada
qabanayaan xubno kala metelaya shan garab ee ku mideysan
Isbaheysiga Casmara iyo Gudoomiyahooda Ku meel gaarka ee
xilligga.
Xubnaha
lagu wado inay hadlaan ee kala metelaya shanta garab ee
Isbaheysiga ayaa kala wato xilalkaan siyaasadeed
1-Xuseen
Ceydiid oo ku hadlaya Gudoomiyaha ku meelgaarka ee
Isbaheysiga
2-Mahad
dirir oo ku hadlaya Madaxa qurba joogta Soomaaliyeed ee
Isbaheysiga
3-Shariif
Saalax oo ku hadlaya madaxa baarlamaanka xorta ee
Isbaheysiga
4-Cumar
Iimaan Abuubakar oo ku hadlaya Madaxa Maxaakiimta ee
Isbaheysiga
5-Amina
Axmed Warsame oo ku hadleysa Madaxa Bulshada rayidka ee
Isbaheysiga
6-
Amb Cashara oo ku hadlaya Madaxa Acyaanta
Garcadka,Odayaasha ee Isbaheysiga
Madaxa
Xubnaha Isbaheysiga ee ku sugan Jabuuti ayaa golayaasha
ku sugan Casmara ku wargeliyay inay guud ahaan maanta
isaga baxayaan dalka Jabuuti ayna raali gelin ka
bixinayaan ka qeybgalkooda furitaanka xaflada wada
hadalada ay hor fariisteen dowlada federalka ,sida ay
Waagacusub u xaqiijiyeen qaar ka mida xubnaha ku sugan
Jabuuti hasse yeeshee waxaa macquul noqon karta inaysan
balanqaadkooda fulin.
Gudoomiyaha
Isbaheysiga dib u xoreynta Soomaaliya Shariif Sheekh
Axmed oo la xiriiray Casmara ayaa isagana u sheegay inuu
la hadlayo Warbaahinta uuna qaadacayo wada hadalada ay
xubnaha ku siyaasada la fariisteen metelayaal ka socday
dowlada federalka.
Shariif
Sheekh Axmed waxaa uu hadalkiisa ku beegan yahay xilli
ay taageerayaashiisa cadaadis xoogan ku saareen inuu
mowqifkiisa siyaasadeed ee xaalada Jabuuti Cadeeyo.
Madaxweynaha
Dalka Ereteria ayaa isagana Qaramadda Midoobey ku
eedeyay inay ka shaqeeyneyso sidii ay labo garab uga
dhigi lahayd Isbaheysiga dib u xoreynta
Soomaaliya,wuxuuna ku eedeyay inaysan dhexdhexaad ka
ahayn arrinta Soomaaliya.
Madaxweynaha
Ereteria oo u wareeysi siiyay Wakaaladda Wararka
Reuters,.wuxuu difaacay madaxbanaanida Soomaaliya,isagoo
cadeystay mowqifkiisa siyaasadeed ee uu ku taageerayo
sidii Soomaaliya uga bixi lahayd gumeysiga qabsaday,waa
sida uu hadalka u dhigaye.
Si
kastaba ha ahaatee,waxaa lagu wadaa Maanta in si rasmiya
loo soo afjaro xaaladaha Isbaheysiga dib u xoreynta ka
wajahay wada hadalada Jabuuti oo ay dad badan u arkaan
inay ku kala qeybsameen.
F;G,.waxaan
soo gudbin doonaa,Warsaaxafadeedka Isbaheysiga dib u
xoreynta ee Casmara laga soo saarayo saacado kadib,sidoo
kale waxaad shirka Jaraa’id iyo wareysiyo kala socon
kartaan telefishinka Al-Jazeera oo 9:30 daqiiqo
wareysanayo madaxda sare ee Isbaheysiga kuna sugan
Casmara,sida ay noogu warameen ila wareedyo lagu kalsoon
yahay.
Warbixin
iyo Sawiro furitaanka Wada hadalada akhriso
