Topnews:-
Mareykanka oo sheegay inay nolol ku qaban doonaan
Afhayeenka Shabaabka Caalamiga ee Abuu Maansuur.
DJabouti
16
/May/2008
Waagacusub.com
Saraakiil ka
tirsan guutooyinka geeska Afrika ee la dagaalanka
argagixisadda Caalamiga ayaa markii ugu horeysay ku faanay
inay nolol ku qaban doonaan Mukhtaar Rooboow Cali (Abuu
Maansuur) oo sheegta inuu yahay Afhayeenka Shabaabka
Caalamiga ee Soomaaliya.
Saraakiisha sare
ee ka tirsan gaashaandhiga Xukumadda Washington waxay go-aankooda
ku tilmaameen mid la gaaray ka gadaal markii la dhuuxay
hanjaabadihiisa uu ku cadeeystay inay Xarakadiisa
bartilmaameedsan doonto Muwaadiniinta Mareykanka ee gudaha
Soomaaliya iyo meelkasta oo ay jaanis ku heleen,isagoo
meesha ka saaray sharciyada
xaquuqul insaanka ee diidaya in la waxyeeleeyo
samafalayaasha Caalamiga gaal iyo Muslim.
“ Afhayeenka
Argagixisada Al-Shabaab u hadla ee lagu magacaabo Mukhtaar
Rooboow Cali (Abuu Maansuur) dabcan maaha nin miisaan
culus sida hogaamiyaasha kale ee Shabaabka ,waxaana
Xukumadda Washington ka go-an inay nolol ku Maxkamadeyso
si sharciga Caalamiga loo marsiiyo ,wayna noo fududahay
taas” ayuu yiri Sarkaal ka tirsan Ciidamadda Taliska
Jabuuti ku leh ee Mareykanka.
Mukhtaar Rooboow
Cali Abuu Maansuur waxay beesha Caalamka rumeysan tahay
inuu fuliyay qaraxii Ismiidaaminta ee lala beegsaday
Ciidamadda Burundi Jaamacadda Ummadda Muqdisho.
Saraakiil ka
tirsan Al-Shabaab ayaa Waagacusub u sheegay in Naftii
hurahii isku miidaamiyay Ciidamadda Burundi adeer u yahay
Abuu Maansuur,laguna Magacaabo Cabdi Casiis Bushaar
Cabdulaahi.
Wasiirka Difaaca
ee Dalka Burundi oo sedex maalmood socdaal qarsoodiya ku
joogay Muqdisho ayaa daawaday cajalad Video ah oo
muujineyso qaabkii hoowlgalka ee 11 maalmood maray Naftii
hurre Bushaar,waxaana Filmka Naftii huraha Al-Shabaab
la soo weriyay inay bixiyeen shaqsiyaad ka tirsan waaxda
Iclaamka ee Al-Shabaab
Hadalka
Saraakiisha Mareykanka ee u waramay Waagacusub ayaa ku
beegan xilli diyaaradaha qumaatiga u kaca ee Mareykanka ay
duulimaadyo hoose ku
marayaan hawada gobolada Galgaduud iyo
Jubooyinka,waxayna warar hoose sheegayaan in labadii
maalmood ee la soo dhaafay ay sawiro ka qaateen xero
Melleteri oo Al-Shabaab ku leeyihiin duleedka Magaalada
Ceelbuur.
Hay’ada
Amnesty International ayaa cambaareysay Mukhtaar Rooboow
Cali Abuu Maansuur,waxayna cambaareeynteeda kaga
faa-iideysatay Warsaxaafadeed ay kaga hadleeysay xaaladaha
murugsan ee Soomaaliya.
Amnesty waxay
sheegtay inaysan wax xiriira lahayn Xarakadda Al Shabaab
ninka u hadla ee lagu magacaabo Abuu Maansuur balse waxay
ku eedeysay hadal uu ku sheegtay in dagaalyahanada
Ururkiisa bartilmaameedsanayaan Muwaadiniinta Mareykanka
ee ku sugan gudaha Soomaaliya.hadii xitaa ay Suxufiyiin
yihiin ama samafalayaal.
“
Abuu Maansuur wuxuu ku hanjabay inay dilayaan
Muwaadiniinta Mareykanka ee gudaha Soomaaliya ka hoowlgala
taasna waa qalad maxaa yeelay sharciga Caalamiga ayaa
reebay in la dilo Samafalayaasha dunida gaal iyo
Muslim”ayey tiri Agaasimaha Afrika ee Amnesty
International oo u warantay Idaacadda VOA Somali.
Amnesty
waxay hore u cambaareysay Ciidamadda Itoobiya ee
Soomaaliya ka wada tacadiyada taasna waxaa si caro leh
kaga jawaabay Xukumadda Melles Zenawi
Daawo
Barnaamij gaara oo xiisa badan
Xasuusta Marxuum Axmed Nuur Jaangoow iyo laxamadiisa
Heesta Dhaxalsuge Maxamed Aadan Shamuuri MP3
Halkaan ka dhageyso Warbixinta Weriye Xasan Cadde
