Dadweynaha
Muqdisho ku dhaqan oo ka hadlay aragtidooda ku aadan
shirka Djibouti.
Muqdisho
16
/May/2008
Waagacusub.com
Dadweynaha
ku dhaqan magaalada Muqdisho ee caasimada dalka Soomaaliya
ayaa ka hadlay fikirkooda ku aadan shirka dhawaan kooxaha
Soomaalida ugu furmay magaalada Djibouti.
Dadweynahaan
oo qaarkood lasoo xiriiray xafiiskeena magaalada Muqdisho
ayaa raja wanaagsan ka muujiyay shirkaasi Jabuuti ka socda,
iyagoo sheegay inay filayaan in waxyaabao dan u ah
shacabka kasoo baxaan.
Saalim
Cabdiraxmaan oo kamid ah dadweynaha ku dhaqan Muqdisho
ayaa sheegay inuu aad ugu faraxsan yahay qabsoomida shirka
Jabuuti ka socda, isla markaana aad u daneynayo inay
kooxaha Soomaalida heshiis ku gaaraan.
“Aad
baan niyad wanaag ugu muujinayaa shirkaan, waxaana ugu
baaqayaa walaalaha Soomaalida ee la heshiisiinayo inay
shacabkooda u naxaan” ayuu yiri Saalim C/raxmaan.
Waxa
uu sheegay in Soomaalida gaar ahaan shacabka Muqdisho
dhibaato xoogan xiligaan heysato, kuwaasoo guryahooda
dagaalo awgeed ugu qaxay isla markaana ku sugan gobo
banaan oo duhur ah, una dheer yihiin cudur iyo gaajo.
Sidoo
kale, waxaa xafiiskeena Muqdisho lasoo xiriiray Barni
Cabdiqaadir Cosoble oo kamid ah haweenka Muqdisho ku
dhaqan waxeyna raja xumo ka muujisay shirkaan Jabuuti ka
socda.
Waxa
ay sheegtay in shirkaan uu yahay mid aan danaha shacabka
loogu hadleynin isla markaana Isbaheysiga dib u xoreynta
iyo DF ay ka wada hadlayaan waxyaabo iyaga u gaar ah.
Waxa
ay tiri “Isbaheysiga waxey sheegeen inay QM la hadlayaan
oo aysan DF aqoonsaneen ayna la kulmeynin, taasi ayaa
cadeyneysa in cid walba dano gaar ah wadata aysana jirin
cid shacabka u danqaneysa”.
Si
kastaba ha ahaatee, hadalka shacabka Muqdisho kasoo baxay
ayaa kusoo beegmaya xili dhawaan Jabuuti loogu dhawaaqay
inuu furan yahay shirka kooxaha Soomaalida lagu
heshiisinaayo, balse Isbaheysiga dib u xoreynta xubnaha ka
socday ayaa furitaanka shirka ka sheegay inay QM marti
qaaday oo ay la kulmayaan, balse aysan aqoonsaneen wax la
yiraah Dowlada Soomaaliya.
Daawo
Barnaamij gaara oo xiisa badan
Xasuusta Marxuum Axmed Nuur Jaangoow iyo laxamadiisa
Heesta Dhaxalsuge Maxamed Aadan Shamuuri MP3
Halkaan ka dhageyso Warbixinta Weriye Xasan Cadde
