Magaalada London Waxaa ka soconaya Dhaq dhaqaaq aad u
balaaran oo ay wadaan gabdhaha Soomaaliyeed ku waasi oo
ay dhaqaale ugu ururinayaan
Dadka soomaaliyeed ee ku dhibaataysan Magaalada muqdisho
iyo daafaheeda.
Gabdhaha Muslimiinta ah ee ku nool Xaafadaha Edmenton
Tottanham iyo Wood green ayaa deeq lacageed oo gaareysa
5000 oo dolar (shan kun oo doolar) waxaa ay ugu deeqeen
Dhowr Xero oo ku yaala magaalada muqdisho,Lafoole iyo
Ceelasha biyaha,Gudiga gaarsiinta deeqaha ayaa sheegay
in deeqdu ay isugu jirtay Raashin, Baco iyo Lacago
Caddan ah,
Wariyayaasha idaacadaha muqdisho oo sitoos ah u
tabinayay deeqdaasi ayaa sheegay in halkaasi ay ku soo
arkeen dad aad u dhibaatraysan oo ay ka muuqatay Macluul
iyo nafaqa darro oo ay u sii dheer tahay iyadoo qaar
kamida ay la il daran yihiin dhaawacyadii ka soo gaaray
dagaalada muqdisho iyo qaybo kamida dalka soomaaliya.
Waxaa kale oo ay wariyayaasha goobahaasi booqday
sheegeen in xiligan aa ah xilli roobaad ay dadku u
baahan yihiin hoy ay uga ganbadaan roobka ,
dhaxanta iyo qaboowga habeenkii,
Deeqdan oo aan ahayn tii ugu horeeysay ee gabdhaha
muslimiinta ah ee xaafadaha Edmenton ,Tottanham ,iyo
Wood green ugu deeqaan walaalahooda Soomaaliyeed ayay
bilihii ina dhaafay samaynayeen ururinta lacagaha iyagoo
guri guri u garaacaya qaybo kamida Xaafadaha London.
Waxaa kale oo iyana todobaadkan lacago ugu deeqay
dadka muqdisho gabdhaha muslimiinta ee ku nool qaybo
kamida Edmenton kuwaasi oo ay horkacayso Nuuro Maxamad
Taasi oo gaaraysa in kabadan 1500 oo dollar.
Labadii todobaad ee ugu danbaysay ayay dadka kunool
qaarada yurub gaar ahaan U K si xamaasadaysan Guryaha
isugu garaaceen iyadoo aad ku arkaysid wadooyinka,
Goobaha Lagu cibaadeysto iyo meelaha soomaalidu isugu
tagaan dad isugu jira rag iyo dumar oo wata bacooyin ku
waasi oo ku qaylinaya u kaalmeey walaalkaaga ku
dhibaateysan dalkaaga hooyo,Ogaada in nolosha aad
halkaan kun haysataan aanay waxba taraynin inta dadkiinu
ay u dhimanayaan gaajo, haraad, iyo Nabadgalyo la aan.
Warbixin
iyo Sawiro furitaanka Wada hadalada akhriso
