Garabka Shariifyadda
Isbaheysiga Casmara oo fariisin weydiistay Qatar.
Doha
16
/May/2008
Waagacusub.com
Garabka
Isbaheysiga Casmara ka faloogabay ee labada Shariif ay
hogaamiyaan ayaa la soo weriyay inay dowlada Qatar
weydiisteen codsi la xiriirtay fariisin ay ka sameeystaan
dalkooda si ay uga wataan dhaqdhaqaaqyadooda siyaasadeed.
Ila wareedyo xog
ogaala ayaa waxay Waagacusub u sheegeen in labada Shariif
kulan qarsoodiya ku yeesheen Magaalada Doha ee Dalka
Qatar,waxaana kulankooda khadka telefoonka ku sedexeeyay
Maxamed Qanyare Afrax oo la rumeysan yahay inuu maskaxiyan
ka shaqeeyay qorshe siyaasadeedkooda awood qeybsi lala
sameeyo dowlada federalka ka hor sanadka 2009.
Maxamed Qanyare
oo ay xidid iyo saaxiib siyaasadeed yihiin Shariif Xasan
Sheekh Aadan wuxuu labada Shariif kaga digay inay dib ugu
laabtaan Dalka Ereteria .
“Shariif Xasan
Sheekh Aadan waxaan si lama filaana ugula kulanay Baar
Soomaalidu ku leedahay Doha,wuxuu la fadhiyay ganacsato
Soomaali u dhashay,waxayna ganacsatadaas noo sheegeen inuu
Dalka Qatar weydiisanayay Ikhaamo ama deganaansho” ayuu
Waagacusub ugu xog waramay mid ka mida Jaaliyadda
Soomaaliyeed ee dalka Qatar.
“Labada
Shariif waxay dowlada Qatar ka codsadeen sidii ay fariisin
uga dhigan lahaayeen Doha,taasi waxay cadeyn u noqon
kartaa inay ka falaagoobeen Isbaheysiga iyo golayaasha ku
sugan Casmara oo ay dowlada Cabdulahi Yusuf awood qeybsi
la sameeynayaan” ayuu yiri diblomaasi ku sugan Qaahira
oo Waagacusub u xaqiijiyay codsigooda fariisin ee Doha.
“ Aas-aasahii
Isbaheysigii asha haada la dirirkii Muqdisho ayey isla
jaalnoqdeen labada Shariif,dabcan Maxamed Qanyare waa ku
xariif isku xir hoowleed hadii dhiil dhaqaalo uu ka dhex
arkayo laakiin isweydiintu waxay tahay barnaamij
siyaasadeedka labaad ee Xildhibaan Qanyare wado,ma wuxuu
mari doonaa jidkii Isbaheysigii la dagaalanka argagixisada
ee horseeday xaaladaha ka jira Soomaaliya mise xaajadu
sidaas maahoo,boorsada buuxda waxaa lagu bisleysan doonaa
guul” ayuu yiri mid ka mida Ra’isulwasaaarayaasha
Soomaaliya soo maray oo dalka Soomaaliya dibadiisa ku
sugan.
Si
kastaba ha ahaatee,waxaa labada Shariif laga sugayaa Dalka
Jabuuti sida ay Waagacusub u xaqiijiyeen Saraakiil ka
tirsan dowlada Jabuuti.
Daawo
Barnaamij gaara oo xiisa badan
Xasuusta Marxuum Axmed Nuur Jaangoow iyo laxamadiisa
Heesta Dhaxalsuge Maxamed Aadan Shamuuri MP3
Halkaan ka dhageyso Warbixinta Weriye Xasan Cadde
