Faransiiska
oo xeebaha Soomaaliya ka ugaarsanaya burcad badeedka.
Muqdisho
16
/May/2008
Waagacusub.com
Ciidamada
Badda Faransiiska ayaa lagu soo waramayaa inay howl-galo
ka sameynayaan xeebaha dalka Soomaaliya, iyagoo baadi
goobaha kooxaha burcad badeedka Soomaalida ah ee ka
qooleysata xeebaha Somalia.
Maraakiibta
dagaalka Faransiiska oo lagu qiyaasay saddex markab ayaa
iminka ku sugan xeebaha Puntland ee Soomaaliya, kuwaasoo
indhaha ku haya dhaqdhaqaaqyada halkaasi ka socda isla
markaana ugaarsanaya burcad badeedka Soomaalida.
Gudoomiyaha
Degmada Laasqoray ee dhinac galbeed ka xigta deegaanka Dur
Duri Yuusuf Jaamac Dibad ayaa Saxaafada u sheegay inay
jiraan Maraakiib Dagaal ee laga leeyahay Fransiiska
kuwaasi oo jooga Xeebaha Sanaag.
Yusuf Jaamac Dibad, ayaa
waxa kaloo uu sheegay inanay jirin wax xiriir ah oo uu la
sameeyay maraakiibtaasi Dagaal, balse ay jiraan dadaalo ay
wadaan inay kula xiriiraan si aanay u dhicin iska horimaad
dhex mara iyaga iyo kooxahaas taasi oo saamayn ku yeelan
karta dadka Rayid ka ah.
Mr Dibad ayaa qiray inay
Burcad Somaliyeed mudooyinkan joogeen inta u dhexaysa
Xeebaha Laasqoray ee Dur-Duri kuwaasi oo doonaya in ay
qabsadaan Gaadiidka maraya halkaas Biyaha.
Warar
aan ka helnay dadweyne ku dhaqan deegaanka Dur Duri ee
gobalka Sanaag ayaa inoo sheegay inay arkeen maraakiib waa
weyn oo calanka Faransiiska ka dul babanayay kuwaaso ay
rumeysan yihiin inay baadi goobayaan burcad badeedka.
Kooxaha
burcad badeedka Soomaalida ee Puntland kasoo jeeda ayaa la
sheegay inay intooda badan xeebaha isaga soo baxeen kadib
markii ka war haleen in lagu raad joogo lana ugaarsanayo.
Burcad
badeedka ayaa iminka ku sugan deegaano hoos yimaada
Puntland kuwaasoo ka war sugaya howl-galka ciidamada
Faransiiska, kadibna sheegay inay badda ku laaban doonaan
oo ay halkooda kasii wadi doonaan howlaha burcad badeedka.
Si
kastaba ha ahaatee, Burcad badeedka Soomaalida ayaa inta
badan ka cabsada ciidamada Faransiiska kadib markii cashar
lama iloobaan ah burcad badeedka dhawaan loogu dhigay
xeebaha Puntland ee dalka Soomaaliya
Daawo
Barnaamij gaara oo xiisa badan
Xasuusta Marxuum Axmed Nuur Jaangoow iyo laxamadiisa
Heesta Dhaxalsuge Maxamed Aadan Shamuuri MP3
Halkaan ka dhageyso Warbixinta Weriye Xasan Cadde
