Ciidamada
booliska Djibouti oo gacanta kusoo dhigay burcad
Ethiopian ah.
DJabouti
17
/May/2008
Waagacusub.com
Ciidamada
booliska dalkaan Djibouti ayaa gacanta kusoo dhigay rag
burcad ahaa oo u dhashay dalka Ethiopia.
Taliyaha qeybta garsoonka ee Booliska Djibouti Mudane
Cilmi Xuseen ayaa Saxaafada u sheegay in raga lasoo qabtay
ay gaarayaan afar ruux isla markaana ahaayeen burcad
Ethiopian ah oo falal dhac ah ka geystay gudaha
magaaladaan Jabuuti.
Taliyaha waxuu sheegay in ragaan ay dhaceen gaari uu watay
nin u dhashay Mareykankan isla markaana qaateen alaabo
gaariga saarnaa oo iskugu jiray Mobile, Bastoolad, Laptop
iyo waxyaabo kale oo fudud.
Taliyaha waxuu sheegay in howl-gal balaaran oo ay
ciidamada booliska Jabuuti shalay iyo daraad sameynayeen
lagu soo qabtay ragaan Ethiopian-ka ah ee tuuganimada ugu
qaraaban jiray gudaha magaaladaan Jabuuti.
Waxa uu sidoo kale sheegay in nin kale oo Ethiopian ah
dabaal kusoo galay bada dekada Jabuuti, isla markaana
doonayay inuu dhac u geysto dahab saarnaa markab kuwa lagu
dalxiiso ah oo dekada taagnaa.
Taliyaha waxuu sheegay in booliska ay ku guuleysteen gacan
kusoo qabashada ninkaan kadib markii uu dhacay dahabkii
markabka saarnaa isla markaana lagu hayo xabsi ku yaala
magaaladaan Jabuuti.
Waxa uu sheegay in tuugada Ethiopian ah ee Jabuuti falalka
ammaan daro ka wada muddooyinkii ugu dambeeyay kusoo
badanayeen isla markaana sharciga la horkeeni doono
tuugada ay iminka hayaan si ay ugu tusaale qaataan kooxaha
kale ee tuuganimada ugu qaraabta Jabuuti.
Si kastaba ha ahaatee, magaaladaan Djibouti ayaa farta
inta badan lagu fiiqaa dadka u dhashay Ethiopia oo intooda
badan tuuganimada ku qaraabta, iyadoo haweenka
Ethiopian-ka ahna inta badan la xiro kadib inta badan oo
lagu soo eedeeyo inay jirkooda ka ganacsadaan,
Abdifitahaam Ahmed
Djibouti
Email: abdifitahaam@yahoo.com
Daawo
Barnaamij gaara oo xiisa badan
Xasuusta Marxuum Axmed Nuur Jaangoow iyo laxamadiisa
Heesta Dhaxalsuge Maxamed Aadan Shamuuri MP3
Halkaan ka dhageyso Warbixinta Weriye Xasan Cadde
