Madaxweynaha
Eritrea oo ku eedeeyay QM inay kala jabineyso
Isbaheysiga dib u xoreynta Somalia.
Asmara
16
/May/2008
Waagacusub.com
Madaxweynaha
dowlada Eritrea Isaias Afwerki ayaa markii ugu horeysay
eedeyn aan gambasho laheyn u jeediyay Qaramada Midoobay.
Madaxweynaha
ayaa xalay hadalkaan ka sheegay caasimada Eritrea ee
Asmara kadib kulan uu la yeeshay mas’uuliyiin ka tirsan
Isbaheysiga dib u xoreynta Soomaaliya ee saldhigiisu yahay
magaalada Asmara.
Isaias
Afwerki waxa uu sheegay inay Qaramada Midoobay wado qorshe
ay ku kala qeybineyso kooxaha Soomaalida ee Mucaaradka ku
ah DF iyo joogitaanka ciidamada Ethiopian-ka ee gudaha
dalkooda Soomaaliya.
Waxa
uu sheegay in shirkaan ka socda magaalada Jabuuti ee lagu
sheegay in lagu dhex dhexaadinayo DF iyo Isbaheysiga dib u
xoreynta uu yahay mid qorshe gaar ah laga wato isla
markaana lagu doonayo sidii lagu kala fur furi lahaa
xoogaga Isbaheysiga dib u xoreynta Soomaaliya.
Waxa
uu sheegay inuusan isaga raali ka aheyn inay Isbaheysiga
dib u xoreynta wada hadal la furan Dowlada Soomaaliya xili
ay gudah Somalia ku sugan yihiin ciidamada Ethiopian-ka.
“Aniga
aad baan arrintaan kaga soo horjeeda, waana qorshe lagu
doonayo in lagu kala furo xoogaga Mucaaradka ah, waxaana
ugu baaqayaa inaysan wax wada hadal ah la galin DF ayna
dib ugu soo laabtaan fariisinkooda Asmara, go’aankoodana
ku adkeystaan ee ahaa in ciidamada Ethiopian-ka marka hore
dalka laga bixiyo” ayuu yiri Madaxweyne Isaias Afwerki.
Waxa
uu madaxweynaha sheegay in Qaramada Midoobay ay wado
qorshe Mareykanka mas’uul ka yahay ee lagu doonayo in
dhamaan Mucaaradka lagu soo afjaro laguna burburiyo
xoogaga DF kasoo horjeeda.
Madaxweynaha
waxuu sheegay in Mareykanka uu mas’uul ka yahay
dhibaatada Soomaaliya ka socota, isla markaana gacan uu
siinayo Ethiopia sidii ay dagaalo ugu dhex abuuri laheyn
gudaha dalka Soomaaliya.
Madaxweynaha
waxuu ugu baaqay shacabka Soomaaliyeed inay hal meel ugu
soo wada jeestaan Siyaasada ku aadan DF iyo joogitaanka
ciidamada Ethiopian-ka ee dalkooda, isla markaana la
dagaalamaan ciidamada Ethiopian-ka.
“Ethiopian-ka
haween, caruur iyo waayeel mid ay dhaafayaan ma jirto,
cidii ay arkaan ayayna dilayaan waxeyna ka aar gudanayaan
jabkii kasoo gaaray dagaalkii 77, sidaad darteed
Soomaaliyeed hubkiina qaata lana dagaalama cadawga
dalkiina jooga iyo cadaw kalkaalka” ayuu yiri Madaxweyne
Isaias Afwerki.
Si
kastaba ha ahaatee, hadalka kasoo yeeray dowlada Eritrea
ayaa kusoo beegmaya xili dalka Jabuuti uu shir dib u
heshiisineed oo garwadeen ka tahay QM ugu furmay Dowlada
Federaalka Soomaaliya iyo Isbaheysiga dib u xoreynta
Soomaaliya.
Daawo
Barnaamij gaara oo xiisa badan
Xasuusta Marxuum Axmed Nuur Jaangoow iyo laxamadiisa
Heesta Dhaxalsuge Maxamed Aadan Shamuuri MP3
Halkaan ka dhageyso Warbixinta Weriye Xasan Cadde
