Gudoomiyaha
golaha dhexe ee Isbaheysiga dib u xoreynta Soomaaliya
ayaa la soo weriyay inuu guud ahaan ka goostay
Isbaheysiga dib u xoreynta Soomaaliya ee fadhigiisu
yahay Magaalada Casmara Wadanka Ereteria.
Sida
ay sheegayaan siyaasiyiinta la saaxiibkaa Shariif Xasan
Sheekh Aadan waxaa socda dadaal looga dhaadhacsiinayo
inuu dib ugu laabto Magaaladda Casmara waxaana
qorshahaas wado Saraakiil ka tirsan dowlada federalka
iyo beesha Caalamka oo qabo inuu ku hal adeego ka sii
dhex shaqeynta Isbaheysiga dib u xoreynta si kaalin
siyaasadeed ugu dhex yeesho isbedelada socda.
Siyaasiyiin
ku sugan Casmara ayaa Waagacusub ugu xog waramay in
Shariif Xasan Sheekh Aadan (Shariif Sakiin) fariisin ka
dhigtay Dubai kuna laabaneyn Ereteria maadama uu eedeyn
ba’an iyo hanjabaada kala kulmay heshiiskii uu Nairobi
kula saxiixday Ergayga Qaramadda Midoobay u qaabilsan
arrimaha Soomaaliya Amb Ahmed Ould Abdallah.
Inkastoo
aysan jirin war ka soo baxay afkiisa oo xaqiijinayo
goosashadiisa uu ka goostay Isbaheysiga hadana xubno ka
tirsan golayaasha Isbaheysiga uu gudoomiyaha ka yahay
waxay xan suuqeedka la isla dhexmarayo ku sifeeyeen mid
saxa.
“
Shariif Xassan Sheekh Aadan wuu ka goostay Isbahaysiga
Dib'u xoreynta Soomaaliyeed kadib markii uu Fuliyay
Howlihii ay Reer Galbeedku u soo igmadeen ee ahayd in uu
dhex galo Maxaakiimtii Islaamiga iyo garabyada la
midoobay ee Isbaheysiga kula jira,dabcan ma filayo inuu
Casmara ku soo laaban doono” ayuu yiri mid ka mida
hogaamiyaasha Isbaheysiga oo u waramay Waagacusub.
Diblomaasiyiin
Soomaaliya ayaa ku nuuxnuuxsaday in Shariif Sakiin cabsi
darted ku laaban Karin Casmara waxayna xuseen in la
helay dukumiintiya cadeeynaya dhaqaalo uu siyaasad
guracan kaga qaatay dowlado shisheeye.
”Goosashada Shariif Xassan waxay ka dhalatay kadib
markii la'ogaaday in Lacago aad u fara badan lagu siiyay
sii kala qeybinta Isbahaysiga Dib'u xoreynta
Soomaaliya,Iyadoo Shariifka marka hore loo diray inuu
soo xero geliyo Sheekh Shariif Sheekh Axmed oo Reer
Galbeedku ay aaminsan yihiin inuu haysto Taageerada Dad
badan oo Soomaali ah” ayuu yiri diblomaasi caana oo
Waagacusub la soo xiriiray kana hadlayay waxa sabab u
noqon kara inuu Shariif Xasan ka goosto Isbaheysiga
Casmara.
Dad
badan ayaa qaba in Shariif Xasan ku guuleystay la jaal
noqoshada Shariif Sheekh Axmed oo u ka dhaadhiciyay
ogolaanshaha wada hadalo lala furo dowlada federalka
taas oo sabab u noqotay inuu magacaabo shaqsiyaad ay
labada Shariif saaxiib dhaw la yihiin sida Ibraahim
Xasan Cadow,Cabdi Raxmaan Dheere iyo Dahir Geelle oo ka
qeybgalay xafladii furitaanka wada hadaladda Jabuuti.
"
Ilama ahan in Shariif Sakiin ka goosanayo Isbaheysiga
maxaa yeelay weli waa fari kama qodna
faanoole,qorshahiisii siyaasadeed ee uu watay" ayuu
yiri mid ka mida siyaasiyiinta qunyar socodka Soomaaliya.
Yusuf
Maxamed Siyaad Indhacadde ayaa qaba in mar hadii ay
ergadda Isbaheysiga ka qeybgaleen xaflada furitaanka
wada hadalada aysan jirin qiil loo sameeyn karo.
“
Mar hadii ay xaflada fureen,waxay fureen wada hadalka
mana ahan in la dhageeysto boor isku qariskooda
xaqiiqada ka fog ee qiyaamada lagu laray”ayuu yiri
Yusuf Indhacadde oo shacabka ugu baaqay inaysan ka niyad
jibin halganka gobanimadoonka ee lagula jiro gumeeysiga
Itoobiya iyo dowlada federalka.
Warbixin
iyo Sawiro furitaanka Wada hadalada akhriso
