Qaar
ka mida ganacsatada Soomaaliyeed ayaa Madaxweyne
Cabdulahi Yusuf Axmed ku eedeyay inuu ka shaqeeyay
qorshe ay Xukumadda Washington ku xanibeyso shan ka mida
Shirkadaha ugu waaweyn Koofurta Soomaaliya oo ay saamiga
ugu badan leeyihiin ganacsato u dhashay beesha Hawiye
gaar ahaan labo juffo oo ka mida Beesha Ilmo
Dahabotoolmoon.
Ganacsatadu
waxay sheegeen in qorshaha Cabdulahi Yusuf ee lagu
xirayo shirkadaha waaweyn oo isugu jiro,labo
Xawaaladood,Labo shirkad Isgaarsiin iyo Shirkad
diyaaradeed,lehna ganacsi uu kala hadlay Dowladda
Mareykanka oo xalka Soomaaliya u aragto in la
cuuryaamiyo dhaqaalaha dalka.
Sida
ku cad Dukumiinti sira oo ka baxsaday Xafiiska
Madaxweyne Yusuf kana soo baxay Wasaaradda arrimaha
dibadda ee Mareykanka waxaa lagu cadeeyay magacyada
shanta shirkadood ee Washington dooneyso inay xanibaad
saarto,waxayna Shirkadaha shantaa ku eedeeyeen inay
maalgeliyaan Xarakadda dhaqdhaqaaqa Caalamiga ee Al
Shabaab Soomaaliya.
Inkastoo
aan helnay dukumiintiga sirta hadana waxaan ka gaabsanay
inaan faafino,waloow ay qaar ka mida saamileeyda labada
Xawaaladood ay heleen xogta xanibaada lala damacsan
yahay ,ayna qaarkood isugu sir warameen inay qaab
diblomaasiyadeed ugala baxaan saamiyadooda.
Cabdulahi
Yusuf Axmed oo Madaxweynenimada loo doortay 10 October
2004 waxaa dowladiisa hareeyay caqabado
siyaasadeed,waxaana lagu eedeeyaa inuu ku hoowlan yahay
aargoosiga beesha Hawiye oo colaada dagaal ka sokoow
doonayo inuu ka burburiyo dhaqaalaha ganacsi gaar ahaan
Xawaaladaha.
Maamulka
Madaxweyne Yusuf ee federalka wuxuu noqday maamulkii ugu
dhiig daadinta badnaa ee soo mara Soomaaliya 18-kii sano
ee la soo dhaafay,waxaana qiyaastu tahay inuu
korneyl Yusuf ka mid noqon doono ninka ugu horeeya
hogaamiyaasha dagaalka Soomaaliya ee la saarayo
Maxkamadda dimbiyada dagaalka Caalamiga.
Si
kastaba ha ahaatee,Waxaa jira shirkada dhisanaya dabaqyo
dhaadheer oo ay ka maalgashanayaan dalal shisheeye taas
oo dad badan ku tilmaameen garasho xumo ka fog
xisaabtanka xilliyadda adag ee lagu jiro
Warbixin
iyo Sawiro furitaanka Wada hadalada akhriso
