Odayaasha iyo waxgaradka beelaha GalMudug oo beeniyay war lagu
faafiyay Website-yada Puntland
Galkacyo
15
/May/2008
Waagacusub.com
Kulan is wareysi ah oo ay isugu yimaadeen odayaasha, waxgaradka,
culumaa’udiinka iyo saraakiil sare sare oo ka tirsan
maamulka GALMUDUG STATE kana dhacay magaalada Gaalkacyo
ayaa looga hadlay arrimo ku saabsan horumarinta qeybo ka
tirsan gobolkaasi Mudug, iyo sidoo kale war shalay lagu
soo daabacay mid ka mid ah Website-yada Soomaalida.
Odayaashan ayaa si kulul u beeniyay war ku soo baxay bogga
Puntlandpost, kaasoo uu ku sheegay inuu khilaaf ka dhex
jiro odayaasha beesha Sacad iyo maamulka GALMUDUG kaasoo
ka dhashay furista dekeda caalamiga ah ee Hobyo, iyagoo
sheegay in warkaasi uu yahay been aan beydna run ka aheyn
iyo war la dhoo-dhoobay, oo ay faafiyeen shaqsiyaad ka xun
horumarka goboladda GalMudug
Max’ud Warsame Guutaale oo ah sarkaal
dhinaca ciidamada ah kana mid ahaa Masuuliyiintii ka qeyb
galay kulanka dhinacyada Galmudug ayaa sheegay in shirkani
uu ku saabsanaa arrimo badan, balse ay diirada ku saareen
war been abuur ah oo uu sheegay inuu shalay soo daabacay
bogga puntlandpost, taariikhdu markay aheyd 13/05/2008.
Aqri Warka beenta ah:-
http://www.puntlandpost.com/newspage.php?articleid=2634
“Waxaan cadeyneynaa in aanu jirin wax khilaaf ah ama kala aragti
duwanaansho ku aadan dib u furista dekeda Hobyo,
qorshahaasina meel gabo gabo ah ayuu marayaa, mar dhowna
shacabka wuu ku farxi doonaa marka uu maqlo inay
shaqeyneyso dekeda, warka boggaasu qorayna waxaan u
aragnaa inuu yahay mid la doonayo in Tashwiish lagu furo
qorshahaas horumarka u ah shacabkeena” ayuu yiri Mudane
Maxamud Warsame.
“Ma jirto cid aan kala tashaneyno aayaha degaanadeena, mana jiro
maamul maamul kale kala tashada haddii uu deked furanayo
iyo haddii uu garoon furanayo, haddii maamul maamul kale
la tashayona Puntland iyo Somaliland ayaa wada tashan
lahaa, waxaana leenahay warkaas beenta ah raali gelin ha
ka bixiyeen maamulka boggaasi haddii kale ha cadeeyo
qorshihiisa maldahan” ayuu si kulul u yiri mar kale
Maxamuud Warsame Guutaale oo ku sugan magaalada Gaalkacyo.
Ganacsatada Koofurta Soomaaliya ayaa baahi weyn u qabta deked weyn
oo ay kala soo degaan shixnadahooda ganacsi kadib markii
ay ku adkaatay sidii ay wax ugala soo degi lahaayeen
dekeda weyn ee Muqdisho oo gacanta ugu jirto saraakiil ma
naxayaal ah oo ka tirsan dowladda federaalka kuwaasoo ku
amra ganacsatada inay bixiyaan lacago lagu sheegay
canshuur oo fara badan, iyadoo ganacsatadu ay ka door
bideen inay wax kala soo degaan dekeda Boosaaso socod
dheer iyo daabulisna ay gasho, iyadoo ay uga dhowaan
laheyd mida Hobyo oo ay aadna u daneynayaan.
Garaad Salaad Xirsi (Garaad-cadde)
garaadcadde@hotmail.com
002523-814958
Daawo
Barnaamij gaara oo xiisa badan
Xasuusta Marxuum Axmed Nuur Jaangoow iyo laxamadiisa
Heesta Dhaxalsuge Maxamed Aadan Shamuuri MP3
Halkaan ka dhageyso Warbixinta Weriye Xasan Cadde
