Laakiin Soomaaliya iyo dalal badan oo Afrika ah, sheekadu waa mid rogan:

Qofkii wax dhaca ama lacag shisheeye ka qaata si uu doorasho ugu guuleysto, waxaa loo arkaa "Libaax siyaasadeed.”

Sawir faafay baraha bulshada ayaa si qurux badan u muujiyay xaqiiqadaas murugada leh.
Hal dhinac waxaa lagu arkayaa siyaasi Yurubiyan ah oo jeelka ku jira, dhinaca kalena siyaasi Afrikaan ah oo faraxsan, shandad lacag ah gacanta ku haya, dadkuna ay sacbinayaan.
Dhinaca Yurub waxaa ka muuqda calanka Midowga Yurub, halka dhinaca kale uu ka taagan yahay calanka Soomaaliya — taas oo si muuqata u tilmaamaysa laba dunood oo kala mabda’ ah.

Tani maaha farshaxan kaliya — waa nolosha dhabta ah ee maanta.
Madaxweynihii hore ee Faransiiska Nicolas Sarkozy waxaa lagu xukumay xabsi musuqmaasuq darteed.
Laakiin haddii uu Soomaaliya ku noolaan lahaa, xabsi ma geli lahayn — sacab iyo bogaadin ayaa loo tumi lahaa.

Soomaaliya maanta, kuwa hanti ummad leeyahay dhaca waa kuwa la xurmeeyo.
Kuwa lacagaha deeq bixiyeyaasha ku luma ama adeegsanaya si ay awood siyaasadeed u iibsadaan, looma arko dambiile — ee waa "dad xeel dheer”.
Inta shacabka ahna, gaajo, shaqo la’aan iyo adeegyo dowladeed oo burbursan ayaa haysata.

"Yurub, musuqmaasuq = xabsi.
Soomaaliya, musuqmaasuq = jago iyo bogaadin.”

Cilmi la’aan iyo caddaalad darro ayaa nolosha bulshada burburisay.
Fariinta maanta laga dirayo waa hal mid:
Haddii qaran kasta uu rabo horumar iyo ixtiraam, waa inuu barto waxa Yurub bartay — in cidna aysan ka sarreyn sharciga.

???? Qoraalka Sawirka:
Farshaxan muujinaya farqiga u dhexeeya xisaabtanka siyaasiyiinta Yurub iyo Soomaaliya: Yurub waa la xiraa ninka musuqmaasuq sameeya, halka Soomaaliya lagu bogaadiyo.