MADAXWEYNE FARMAAJO DADKA IYO DALKA U TUR EE IS CASIL.
Dalku wuxuu marayaa xaalad halis ah oo qarka u saaran in
uu Alshabaab gacanta u galo. Bishii hore Alshabaab waxay
Bariire ku dileen 40 Askari oo Soomaali ah oo 11 ka mid ah
Kumaandoos tahay.
Madaxweyne uma aadan tacsiyeynin
ciidankaas, aaskoodana kama aadan qaybgelin. Maalmo ka
dib Alshabaab Bariire iyo Basra ayey qabsadeen.
Alshabaab waxay gumaadeen in ka badan 400 oo Shacab
ah, intaas ka badana waa dhaawaceen. Burburka hantida
ma aha wax la qiyaasi karo.
Madaxweyne waxay kugu
qaadatay 10 saac ka badan in aad ka hadasho.
Madaxweyne
Ciidankii Xoogga dalka waxay soo faarujiyeen furumihii
dagaalka. Maanta ma jiro Ciidan ka shisheeya Afgooye iyo
Carbiska. Alshabaab xili kasta ayey qabsan karaan Afgooye
iyo Balcad, Muqdishana u soo tilaabi karaan.
Waxaad ciidanka ugu khudbeysay in ay dagaal qaadan,
Afgooyena aad xarun ka dhiganayso, dagaalkana aad safka
hore ka gelayso. Waxaad kaloo sheegtay in aad la hadlayo
Baarlamaanka labadiisa Gole. Taa bedelkeeda waxaad u
baxday safar Debeda ah, maalintii xigtayna Alshabaab
waxay weerareen Afgooye, labo maalin ka dibna waxay
Lafoole ku weerareen Ciidanka AMISOM. Taas waxaa ka sii
daran in Raysalwasaarahiina uu isaga Wasiirka Amniga
Safar u baxeen.
Madaxweyne
Dhacdooyinkii is xigxigay ee bilihii la soo dhaafay dhacayey
midkoodna kama aadan hadal. Sida; Khilaafkii Khaliijka,
Xasuuqii Bariire, dhiibistii Qalbidhagax, Ciidankii Bariire lagu
laayey, Khilaafka Galmudug, iyo shirkii Kismaayo intaba.
Dhinaca kale, waxaa aad u xumaaday xiriirka kaala
dhexeeya Dawlada Goboleedyada. Waxaa la isku fahami la’
yahay arrimaha Siyaasada ,Amniga, Dastuurka iyo
Doorashooyinka.
Taas ayaana keentay in uu baaqday shirkii
Dastuurka oo ay qaadaceen Dawlad Goboleedyada iyo
Gudiga Labada Gole ee Baarlamaanka iyo Gudiga Madaxa
Banaan ee Dastuurka. Waxaa kaloo baaqday shirkii Amniga
kaasoo ay isugu iman lahaayeen Xukuumada Federaalka,
Dawlad Goboleedyada iyo Beesha Caalamka.
Madaxweyne
Aamuskaaga, muuqaasho la’aantaada iyo masuuliyad ka
cararkaada waxay keentay in la iswaydiiyo cida Dalka
xukunta, xilka iyo masuuliyadana haysa.
Waa banaanyaal in siyaasadii ay jahwareertay, amnigii uu
gacanta ka baxay, qarankana uu halis ku jiro. Si isku mid ah
ayey ugu muuqataa Shacabka Soomaaliyeed iyo beesha
caalamkaba karti xumida hogaankaaga iyo hooga dadka
haysta ee fadlan Madaxweyne Dalka iyo Dadka u tur ee
iscasil.
MADAXWEYNE FARMAAJO DADKA IYO DALKA U TUR EE IS CASIL.
MADAXWEYNE FARMAAJO DADKA IYO DALKA U TUR EE IS CASIL