[War Deg Deg:-] Toogasho Ka dhacday Muqdisho
Waagacusub.com Kooxo hubeysnaa ayaa goordhaweyd waxa ay toogasho ka geysteen Magaaladda Muqdisho ee Caasimadda Soomaaliya.
Falkaan ayaa ka dhacay agagaarka Jaamacadda SIMAD ee ku taala wadadda Warshadaha ee Magaalada Muqdisho.
Sida uu inoo xaqiijiyay mid kamid ah dadkii goobta ku sugnaa, kooxo bastooladdo ku hubeysnaa ayaa toogasho kula dhaqaaqay labo askari oo ka tirsanaa Ciidamadda Minishiibiyadda Dowladda Hoose.
Goob-joogaha ayaa sheegay in rasaasta ay fureen kooxaha hubeysnaa ay keentay in uu ku dhinto hal askari oo Miniishibayadda ka tirsanaa, halka mid kale isagoo dhaawacan uu goobta ka baxsaday.
Askartaan ayaa la weeraray xili ay saarnaayeen Mooto,waxayna kusii jeedaan dhanka wasaaradda Gaashaandhiga Degmadda Deyniile ee Gobolka banaadir.
Dhanka kale Ciidamadda amaanka Dowladda Soomaaliya ayaa haatan gaaray goobta uu falkaan ka dhacay,waxayna meesha ka qaadeen meydka askariga dhintay,waxaana socda baaritaano.
[War Deg Deg:-] Toogasho Ka dhacday Muqdisho
War Deg Deg:-Toogasho Ka Dhacday Magaalada Muqdisho